ഷിക്കാഗോ : ബുധനാഴ്ച രാവിലെ ഷിക്കാഗോ നഗരത്തിലും പരിസര പ്രദേശങ്ങളിലും ഉണ്ടായ അതിശക്തമായ മഞ്ഞുവീഴ്ച (Snow Squall) ജനജീവിതത്തെ സാരമായി ബാധിച്ചു. അതിവേഗത്തിൽ വീശിയടിക്കുന്ന കാറ്റും കനത്ത മഞ്ഞും കാരണം കാഴ്ചപരിധി കുറഞ്ഞത് (Whiteout conditions) യാത്രാതടസ്സങ്ങൾക്ക് കാരണമായി.
മോശം കാലാവസ്ഥയെത്തുടർന്ന് ചിക്കാഗോ ഒഹെയർ അന്താരാഷ്ട്ര വിമാനത്താവളത്തിൽ വിമാനങ്ങൾ ഇറങ്ങുന്നത് താൽക്കാലികമായി നിർത്തിവെച്ചു. വിമാനങ്ങൾ ശരാശരി 55 മിനിറ്റ് വരെ വൈകിയാണ് സർവീസ് നടത്തുന്നത്. മണിക്കൂറിൽ 50 മൈൽ വേഗതയിൽ വീശിയടിക്കുന്ന കാറ്റും വശങ്ങളിലേക്ക് പെയ്യുന്ന മഞ്ഞും (Blowing sideways) റോഡ് ഗതാഗതത്തെ അപകടകരമാക്കി. പലയിടങ്ങളിലും വാഹനങ്ങൾ വളരെ പതുക്കെയാണ് നീങ്ങുന്നത്.
കുക്ക്, വിൽ, ലേക്ക് തുടങ്ങി വിവിധ കൗണ്ടികളിൽ നാഷണൽ വെതർ സർവീസ് ജാഗ്രതാ നിർദ്ദേശം നൽകിയിട്ടുണ്ട്. വ്യാഴാഴ്ച വരെ ശക്തമായ കാറ്റും മഞ്ഞുവീഴ്ചയും തുടരാനാണ് സാധ്യത.
പൊതുഗതാഗത സംവിധാനമായ CTA വിശ്വസനീയമാണെങ്കിലും കാൽനടയാത്രക്കാർക്കും വാഹനയാത്രികർക്കും അതിശൈത്യവും കാറ്റും വലിയ വെല്ലുവിളിയാണ് ഉയർത്തുന്നത്.
Chicago is freezing; heavy snowfall in the city and surrounding areas, affecting air traffic
