വാഷിംഗ്ടൺ: ജനുവരി 3-ന് വെനസ്വേലൻ പ്രസിഡൻ്റ് നിക്കോളാസ് മഡുറോയെ പിടികൂടിയ സൈനിക നടപടിയിൽ “ദി ഡിസ്കോംബോബുലേറ്റർ” എന്ന രഹസ്യ ആയുധം ഉപയോഗിച്ചതായി യുഎസ് പ്രസിഡൻ്റ് ഡോണാൾഡ് ട്രംപിൻ്റെ വെളിപ്പെടുത്തൽ. യുഎസിൻ്റെ അതീവ രഹസ്യ ഓപ്പറേഷനായ “ഓപ്പറേഷൻ അബ്സല്യൂട്ട് റിസോൾവ്” മഡുറോയുടെ സുരക്ഷാ ഉദ്യോഗസ്ഥരെ ശാരീരികമായി തളർത്താൻ ഈ ആയുധം ഉപയോഗിച്ചതായി നേരത്തെതന്നെ റിപ്പോർട്ടുകളുണ്ടായിരുന്നു. പെട്ടെന്നുണ്ടായ തീവ്രമായ ശബ്ദതരംഗങ്ങൾ കാരണം അവർക്ക് മൂക്കിലൂടെ രക്തം വരികയും ശർദ്ദിക്കുകയും ചെയ്തതായി സാക്ഷികൾ പറഞ്ഞതായി ചില മാധ്യമങ്ങൾ റിപ്പോർട്ട് ചെയ്തിരുന്നു. എന്നാൽ, അമേരിക്കൻ സൈന്യം ഉപയോഗിച്ച സൈബർ ആയുധങ്ങളെയും ശബ്ദതരംഗ സംവിധാനങ്ങളെയും ചേർത്ത് ട്രംപ് നൽകിയ ഒരു പേരാകാം ഇതെന്ന് ചില ഉദ്യോഗസ്ഥർ നിരീക്ഷിക്കുന്നു.
ഈ ആയുധം വെനിസ്വേലയുടെ സൈനിക ഉപകരണങ്ങളെ “പ്രവർത്തനരഹിതമാക്കി” എന്ന് ട്രംപ് ന്യൂയോർക്ക് പോസ്റ്റിന് നൽകിയ അഭിമുഖത്തിൽ അവകാശപ്പെട്ടു. വെനിസ്വേലൻ സേന റഷ്യൻ, ചൈനീസ് നിർമ്മിത റോക്കറ്റുകൾ തൊടുത്തുവിടാൻ ശ്രമിച്ചെങ്കിലും ബട്ടണുകൾ അമർത്തിയപ്പോൾ ഒന്നും പ്രവർത്തിച്ചില്ലെന്നും അദ്ദേഹം പറഞ്ഞു. “ഡിസ്കോംബോബുലേറ്ററിനെ” കുറിച്ച് കൂടുതൽ സംസാരിക്കാൻ തനിക്ക് അനുവാദമില്ലെന്നും അദ്ദേഹം കൂട്ടിച്ചേർത്തു.
അവർക്ക് ഒരിക്കലും അവരുടെ റോക്കറ്റുകൾ വിക്ഷേപിക്കാൻ കഴിഞ്ഞില്ല. അവർക്ക് റഷ്യൻ, ചൈനീസ് റോക്കറ്റുകൾ ഉണ്ടായിരുന്നു, അവർക്ക് ഒരിക്കലും വിക്ഷേപിക്കാൻ കഴിഞ്ഞില്ല. ഞങ്ങൾ വന്നു, അവർ ബട്ടണുകൾ അമർത്തി, ഒന്നും പ്രവർത്തിച്ചില്ല. അവയെല്ലാം ഞങ്ങൾക്കായി സജ്ജീകരിച്ചിരുന്നു.” – ട്രംപ് അഭിമുഖത്തിൽ പറഞ്ഞു.
നിലവിൽ നിക്കോളാസ് മഡുറോയും ഭാര്യ സിലിയ ഫ്ലോറസും അമേരിക്കൻ കസ്റ്റഡിയിലാണുള്ളത്.
“Discombobulator” is the secret weapon used by the US in Venezuela – Trump himself revealed it
