വാഷിംഗ്ടൺ: ലൈംഗികക്കടത്ത് കേസുകളിൽ പ്രതിയായിരുന്ന ജെഫ്രി എപ്സ്റ്റീൻ, തൻ്റെ ബീജം ഉപയോഗിച്ച് ഒരേസമയം, നിരവധി സ്ത്രീകളെ ഗർഭിണികളാക്കി ഒരു ‘സൂപ്പർ റേസ്’ സൃഷ്ടിക്കാൻ പദ്ധതിയിട്ടിരുന്നതായി റിപ്പോർട്ടുകൾ. ഉയർന്ന ജനിതക ഗുണങ്ങളുള്ള ഒരു ‘സൂപ്പർ റേസ്’ സൃഷ്ടിക്കുക എന്നതായിരുന്നു എപ്സ്റ്റീൻ്റെ വിചിത്രമായ ലക്ഷ്യം.
ന്യൂ മെക്സിക്കോയിലുള്ള തൻ്റെ വിശാലമായ ഫാമിൽ ഇതിനായി സൗകര്യങ്ങൾ ഒരുക്കാൻ അദ്ദേഹം പദ്ധതിയിട്ടിരുന്നു. ഒരേസമയം 20 സ്ത്രീകളെ അവിടെ താമസിപ്പിച്ച് ഗർഭിണികളാക്കാനായിരുന്നു ആലോചന. മനുഷ്യവംശത്തെ മെച്ചപ്പെടുത്തുക എന്ന ലക്ഷ്യത്തോടെയുള്ള ‘യൂജെനിക്സ്’ എന്ന ആശയത്തിൽ എപ്സ്റ്റീൻ വലിയ താൽപ്പര്യം പ്രകടിപ്പിച്ചിരുന്നു. ജനിതക എഞ്ചിനീയറിംഗ്, ആർട്ടിഫിഷ്യൽ ഇന്റലിജൻസ് എന്നിവ ഇതിനായി ഉപയോഗിക്കാമെന്ന് അദ്ദേഹം വിശ്വസിച്ചു. ജനിതക എഞ്ചിനീയറിംഗും ആർട്ടിഫിഷ്യൽ ഇന്റലിജൻസും ഉൾപ്പെടുന്ന ഈ വിചിത്രമായ ആശയത്തെക്കുറിച്ച് അദ്ദേഹം ശാസ്ത്രജ്ഞരുമായും വ്യവസായികളുമായും ചർച്ചകൾ നടത്തിയിരുന്നു.
നോബൽ സമ്മാന ജേതാക്കളുടെ ബീജം ശേഖരിച്ച് സൂക്ഷിച്ചിരുന്ന ‘റിപ്പോസിറ്ററി ഫോർ ജെർമിനൽ ചോയ്സ്’ എന്ന മുൻപുണ്ടായിരുന്ന ബീജബാങ്കിൽ നിന്നാണ് ഈ ആശയം അദ്ദേഹത്തിന് ലഭിച്ചതെന്നാണ് വിവരം. തൻ്റെ ഈ പദ്ധതിയെക്കുറിച്ച് പ്രശസ്തരായ പല ശാസ്ത്രജ്ഞന്മാരുമായും അദ്ദേഹം ചർച്ചകൾ നടത്തിയിരുന്നതായി ന്യൂയോർക്ക് ടൈംസ് റിപ്പോർട്ട് ചെയ്തിട്ടുണ്ട്. ലൈംഗിക ചൂഷണ കേസുകളുമായി ബന്ധപ്പെട്ട് പുറത്തുവന്ന ദശലക്ഷക്കണക്കിന് രേഖകളിലൂടെയാണ് ഇത്തരം ഞെട്ടിപ്പിക്കുന്ന വിവരങ്ങൾ ലോകമറിഞ്ഞത്.
Epstein’s plan to create a ‘super race’ by impregnating many women at once using his sperm? Shocking reports emerge
