വാഷിംഗ്ടൺ: അമേരിക്കൻ വൈസ് പ്രസിഡൻ്റ് ജെ.ഡി. വാൻസ് 2026 ജനുവരി 22 വ്യാഴാഴ്ച മിനിയാപൊളിസ് സന്ദർശിക്കും. ട്രംപ് ഭരണകൂടത്തിൻ്റെ ഇമിഗ്രേഷൻ നയങ്ങൾക്കെതിരെ നഗരത്തിൽ പ്രതിഷേധം ശക്തമാകുന്ന സാഹചര്യത്തിലാണ് ഈ സന്ദർശനം.
മിനിയാപൊളിസിൽ തുടരുന്ന ഫെഡറൽ എമിഗ്രേഷൻ (ICE) നടപടികളുമായി ബന്ധപ്പെട്ട് പ്രാദേശിക നേതാക്കളുമായും കമ്മ്യൂണിറ്റി അംഗങ്ങളുമായും അദ്ദേഹം ചർച്ച നടത്തും. രണ്ടാഴ്ച മുമ്പ് മിനിയാപൊളിസിൽ വച്ച് ഐ.സി.ഇ (ICE) ഉദ്യോഗസ്ഥൻ്റെ വെടിയേറ്റ് യു.എസ് പൗരയായ റീനി ഗുഡ് കൊല്ലപ്പെട്ടതിനെത്തുടർന്ന് നഗരത്തിൽ വലിയ പ്രതിഷേധങ്ങൾ നടക്കുന്നുണ്ട്. ഈ വെടിവെപ്പിനെ വാൻസ് മുൻപ് ന്യായീകരിച്ചിരുന്നു, ഇത് പ്രാദേശിക നേതാക്കളുമായുള്ള കടുത്ത തർക്കത്തിന് കാരണമായിട്ടുണ്ട്.
എമിഗ്രേഷൻ നടപടികൾ തടസ്സപ്പെടുത്താൻ സംസ്ഥാന ഉദ്യോഗസ്ഥർ ശ്രമിക്കുന്നുണ്ടോ എന്നതിനെക്കുറിച്ച് ഫെഡറൽ സർക്കാർ അന്വേഷണം നടത്തുന്നുണ്ട്. മിനസോട്ട ഗവർണർ ടോം വാൾസ് ഉൾപ്പെടെയുള്ളവർക്ക് ഇതുമായി ബന്ധപ്പെട്ട് സബ്പോണ (Subpoena) അയച്ചിട്ടുണ്ട്. ഈ സാഹചര്യത്തിൽക്കൂടിയാണ് വൈസ് പ്രസിഡൻ്റിൻ്റെ സന്ദർശനം.
J.D. Vance to visit Minneapolis on Thursday to meet with local leaders amid growing protests against administration’s immigration policies
