മണിപ്പൂരിൽ ഇന്ന് വൈകിട്ട് ആറ് മണിക്ക് പുതിയ സർക്കാർ സത്യപ്രതിജ്ഞ ചെയ്യും. മെയ്തെയ് വിഭാഗത്തിൽ നിന്നുള്ള യുംനാം ഖേംചന്ദ് സിങ് ആകും മുഖ്യമന്ത്രി. കുക്കി വിഭാഗത്തിൽ നിന്നുള്ള നെംച കിപ്ഗെൻ ഉപമുഖ്യമന്ത്രിയുമാകും. യുംനാം ഖേംചന്ദ് സിംഗ് ബിജെപി ദേശീയ നേതാക്കൾക്കൊപ്പം ലോക് ഭവനിൽ എത്തി ഗവർണർ അജയ്കുമാർ ഭല്ലയുമായി കൂടിക്കാഴ്ച നടത്തി.
മണിപ്പൂരിൽ മെയ്തി-കുക്കി സംഘർഷത്തെത്തുടർന്ന് ക്രമസമാധാനനില തകർന്നതിനെത്തുടർന്ന് ഏകദേശം ഒരു വർഷത്തേക്ക് രാഷ്ട്രപതി ഭരണം ഏർപ്പെടുത്തിയിരുന്നു. 2025 ആഗസ്റ്റ് 13 മുതൽ ഇത് ആറ് മാസത്തേക്ക് കൂടി നീട്ടി. രാഷ്ട്രപതി ഭരണത്തിൻ കീഴിൽ, സംസ്ഥാന നിയമസഭ താൽക്കാലികമായി നിർത്തിവയ്ക്കുകയും സംഘർഷങ്ങൾ തടയുന്നതിനും സംസ്ഥാനത്ത് ക്രമസമാധാനം നിലനിർത്തുന്നതിനുമായി ഗവർണറുടെ മേൽനോട്ടത്തിലുള്ള കേന്ദ്ര സേനയെ വിന്യസിക്കുകയും ചെയ്തിരുന്നു. ശേഷമാണ് പുതിയ സർക്കാർ ചുമതലയേൽക്കുന്നത്.
NDA legislature party leader Y Khemchand Singh to be sworn in as Manipur CM today
