ന്യൂയോര്ക്ക്/പുന്നയൂര്ക്കുളം: അമേരിക്കന് മലയാളി എഴുത്തുകാരനും പുന്നയൂര്ക്കുളം സാഹിത്യ സമിതിയുടെ സ്ഥാപക പ്രസിഡൻ്റുമായ അബ്ദുള് പുന്നയൂര്ക്കുളത്തിൻ്റെ ‘പറക്കും പക്ഷിയെ പ്രണയിക്കുന്നവര്’ എന്ന നോവലിനെക്കുറിച്ച് ചര്ച്ച സംഘടിപ്പിക്കുന്നു. ഏപ്രില് 12 ഞായറാഴ്ച രാവിലെ 10:30ന് പുന്നയൂര്ക്കുളത്തെ കമലാ സുരയ്യ സാംസ്ക്കാരിക സമുച്ചയത്തില് പ്രശസ്ത കഥാകാരന് ടി.ഡി. രാമകൃഷ്ണന് നയിക്കുന്ന ചര്ച്ചയില് പ്രമുഖര് സംബന്ധിക്കും. ജീവിതാനുഭവങ്ങളില് പ്രകടമാകുന്ന സങ്കീര്ണ്ണ മാനസിക ഭാവങ്ങളെ ഈ നോവല് വിശദമായി വിശകലനം ചെയ്യുന്നു.
ശ്രദ്ധേയമായ ഈ പുസ്തക ചര്ച്ചയുടെ അവതരണം ടി.ഡി. രാമകൃഷ്ണന് നിര്വ്വഹിക്കുന്നതാണ്. ഡെറി പോള് ടി.എം മോഡറേറ്ററായിരിക്കും.
ചര്ച്ചയില് പങ്കെടുക്കുന്ന പ്രമുഖര്
സെബാസ്റ്റ്യന് (കവി), ടി. മോഹന് ബാബു, ഫൈസല് ബാവ, ഹക്കീം വെളിയത്ത്, ശ്രുതി ടീച്ചര്, ഷാജന് വാഴപ്പുള്ളി, അബ്ദുള് പുന്നയൂര്ക്കുളം.
ചര്ച്ചയില് ഏവരുടേയും സാന്നിധ്യം സംഘാടകര് അഭ്യര്ത്ഥിച്ചു.
റിപ്പോര്ട്ട്: മൊയ്തീന് പുത്തന്ചിറ
Punnayoorkulam Literary Committee’s ‘Book Discussion’ on Sunday, April 12th
