രാഹുലിൻ്റെ ജാമ്യ ഹർജി ഇന്ന്; അപകീർത്തിപ്പെടുത്താൻ കെട്ടിച്ചമച്ച കേസ്, ഹോട്ടലിൽ മുറിയെടുത്തത് യുവതി, ഉഭയസമ്മത പ്രകാരം നടന്ന ബന്ധമെന്നും വാദം

കൊച്ചി: മൂന്നാം ലൈംഗിക പീഡന പരാതിയിൽ പിടിയിലായ എം.എൽഎ രാഹുൽ മാങ്കൂട്ടത്തിലിൻ്റെ ജാമ്യ ഹർജി ഇന്ന് കോടതി പരിഗണിക്കും. തിരുവല്ല മജിസ്ട്രേട്ട് കോടതിയാണ് ജാമ്യഹർജി പരിഗണിക്കുക. അതേസമയം, രാഹുലിനെ കസ്റ്റഡിയിൽ വിട്ടുകിട്ടാനുള്ള എസ്ഐടി അപേക്ഷയും കോടതി പരിഗണിക്കും.

തനിക്കെതിരായ പീഡന പരാതി അപകീർത്തിപ്പെടുത്താനായി കെട്ടിച്ചമച്ചതാണെന്നു ജാമ്യഹർജിയിൽ രാഹുൽ മാങ്കുട്ടത്തിൽ എംഎൽഎ. പറഞ്ഞു. ഉഭയസമ്മത പ്രകാരം നടന്ന ബന്ധത്തിന് ഹോട്ടലിൽ മുറിയെടുത്തതു യുവതിയാണെന്നും ജാമ്യ ഹർജിയിൽ പറയുന്നു. യുവതി വിവാഹിതയാണെന്ന് അറിയാതെയാണു ബന്ധം സ്‌ഥാപിച്ചതെന്നും പിന്നീട് ഈ വിവരം അറിഞ്ഞപ്പോൾ ബന്ധത്തിൽനിന്നു പിൻമാറുകയായിരുന്നുവെന്നും ജാമ്യഹർജിയിലുണ്ട്

Rahul’s bail plea in third rape case today.