മന്ത്രി സജി ചെറിയാന്റെ വിവാദ പരാമര്ശത്തില് വ്യാപക പ്രതിഷേധമുയരവേ മന്ത്രിയുടെ വിദ്വേഷപരാമര്ശം ജനങ്ങളെ ഭിന്നിപ്പിക്കാനുള്ള നീക്കമെന്ന് പ്രതിപക്ഷ നേതാവ് വി ഡി സതീശന് പറഞ്ഞു. സജി ചെറിയാന്റെ പ്രസ്താവന മുഖ്യമന്ത്രിയുടെ അറിവോടെയാണ്. എത്ര ആപത്കരവും അപകടകരവുമായ വര്ഗീയ വിദ്വേഷമുണ്ടാക്കുന്നതിനുള്ള പ്രസ്താവനയാണ് ഭരണഘടനാ പ്രകാരം സത്യപ്രതിജ്ഞ ചെയ്ത ഒരു മന്ത്രി നടത്തിയിരിക്കുന്നതെന്ന് അദ്ദേഹം പറഞ്ഞു.
ആളുകളെ ഭിന്നിപ്പിച്ച് രാഷ്ട്രീയ ലാഭമുണ്ടാക്കുക എന്ന സംഘപരിവാറിന്റെ അതേ വഴിയിലൂടെ സിപിഐഎമ്മും യാത്ര ചെയ്യുകയാണ്. അതിന് മുഖ്യമന്ത്രി കുടപിടിച്ചു കൊണ്ടിരിക്കുകയാണ്. മുഖ്യമന്ത്രിയുടെ അറിവോടെയാണ് ഈ രണ്ട് പ്രസ്താവനകളും നടന്നിരിക്കുന്നത്. ബാലന്റെ പ്രസ്താവ മുഖ്യമന്ത്രി ന്യായീകരിച്ചു. കേരളത്തിന്റെ ചരിത്രത്തില് ഇതുപോലെ ഒരു മന്ത്രിസഭാംഗം ഇത്തരമൊരു വര്ഗീയ പ്രസ്താവന നടത്തിയിട്ടില്ലെന്നും വി ഡി സതീശൻ പറഞ്ഞു.
എത്ര ക്രൂരമായ പ്രസ്താവനയാണ്. ജയിച്ചു വരുന്ന ആളുകളുടെ മതം നോക്കാനാണ് പറഞ്ഞിരിക്കുന്നത്. കേരളത്തെ ഇത് അപകടകരമായ നിലയിലേക്ക് എത്തിക്കും. നമ്മുടെ സംസ്ഥാനമുണ്ടാക്കിയ മൂല്യങ്ങള് മുഴുവന് കുഴിച്ചു മൂടപ്പെടും. വര്ഗീയത ആളിക്കത്തിക്കാന് ഒരു തീപ്പൊരി വീഴാന് കാത്തിരിക്കുന്നവരുടെ കൈകളിലേക്ക് ഒരു തീപ്പന്തമാണ് ഇവര് എറിഞ്ഞുകൊടുക്കുന്നതെന്നും അദ്ദേഹം പറഞ്ഞു.
വര്ഗീയത ആര് പറഞ്ഞാലും എതിര്ക്കുമെന്ന് അദ്ദേഹം ആവര്ത്തിച്ചു. വ്യക്തിപരമായി രാഷ്ട്രീയ ജീവിതത്തില് എന്ത് നഷ്ടം വന്നാലും ഈ നിലപാടില് ഈ സ്ഥാനത്തിക്കന്നിടത്തോളം കാലം വെള്ളം ചേര്ക്കില്ല. വര്ഗീയതയ്ക്കെതിരായി നിലപാട് എടുത്തതിന്റെ പേരില് ഏത് ആക്രമണവും നേരിടാന് താന് തയാറാണ്. ഞാന് പറഞ്ഞിരിക്കുന്നത് ഇന്ത്യന് നാഷണല് കോണ്ഗ്രസിന്റെ നിലപാടാണ്. ഞാന് ഒരു കോണ്ഗ്രസുകാരനായതുകൊണ്ടാണ് എനിക്ക് അങ്ങനെ സംസാരിക്കാന് പറ്റുന്നതെന്നും എന്റെ നിലപാട് കോണ്ഗ്രസിന് നഷ്ടമുണ്ടാക്കില്ലെന്നും വിഡി സതീശൻ കൂട്ടിച്ചേർത്തു.
Saji Cherian’s statement is dangerous said VD Satheesan
