ഡാളസ്: കേരള അസോസിയേഷൻ ഓഫ് ഡാളസും ഇന്ത്യ കൾചറൽ ആൻ്റ് എഡ്യൂക്കേഷൻ സെൻ്ററിൻ്റെയും ആഭിമുഖ്യത്തിൽ ഏപ്രിൽ 11 ശനിയാഴ്ച രാവിലെ 10മണിക്ക് ഗാർലൻ്റ് കേരള അസോസിയേഷൻ കോൺഫറൻസ് ഹാളിൽ സീനിയർ സിറ്റിസൺ ഫോറം സംഘടിപ്പിക്കുന്നു.
മുതിർന്ന പൗരന്മാർ നേരിടുന്ന ശാരീരികവും, മാനസികവും, സാമൂഹികവുമായ നിരവധി പ്രശ്നങ്ങൾ ചർച്ച ചെയ്യപ്പെടുകയും ആ പ്രശ്നങ്ങളെക്കുറിച്ചു അവബോധമുണ്ടാക്കുന്നത്തിനു വേണ്ടി വിദഗ്ദ്ധരെ പങ്കെടുപ്പിച്ചു നടത്തുന്ന പരിപാടിയാണിത്. കൂടാതെ ഡിജിറ്റൽ സുരക്ഷയെക്കുറിച്ചും ഓൺലൈൻ സുരക്ഷയെക്കുറിച്ചും അത് നേരിടുന്ന വെല്ലുവിളികളെക്കുറിച്ചും അവർക്ക് ശരിയായ അവബോധവും നൽകേണ്ടതുമായ കാര്യങ്ങൾ പരിപാടിയിൽ ഉൾപെടുത്തിട്ടുണ്ട്.
ഡോ.കുമാരപിള്ള മുഖ്യ പ്രഭാഷണം നടത്തും. തുടർന്ന് ഐ.ടി വിദഗ്ദൻ സുധിൻ ചാണ്ടി വർഗീസ് ഡിജിറ്റൽ സുരക്ഷയെക്കുറിച്ചും സംസാരിക്കും.
എല്ലാവർക്കും ഉച്ചഭക്ഷണവും ക്രമീകരിച്ചിട്ടുണ്ട്. ഡാളസ് ഫോർട്ട് വർത്തിലെ എല്ലാ സീനിയർ അംഗങ്ങളേയും യോഗത്തിലേക്ക് സ്വാഗതം ചെയ്യുന്നതായി കമ്മിറ്റി അംഗങ്ങൾ അറിയിച്ചു.
കൂടുതൽ വിവരങ്ങൾക്ക്
ഷിജു എബ്രഹാം : 214-929-3570
നൈനാൻ മാത്യു : (214) 478-6543
വാർത്ത – അനശ്വരം മാമ്പിള്ളി
Senior Citizen Forum organized by Kerala Association of Dallas and India Cultural & Education Center
