വാഷിംഗ്ടൺ: യുഎസ് പ്രസിഡൻ്റ് ഡോണൾഡ് ട്രംപിനെ ദാവോസിലെ ലോക സാമ്പത്തിക ഫോറത്തിലേക്ക് കൊണ്ടുപോവുകയായിരുന്ന എയർഫോഴ്സ് വൺ വിമാനം സാങ്കേതിക തകരാറിനെത്തുടർന്ന് തിരിച്ചിറക്കി. വിമാനം വാഷിംഗ്ടണിൽ നിന്ന് സ്വിറ്റ്സർലൻഡിലേക്ക് പുറപ്പെട്ട് കുറച്ച് സമയത്തിന് ശേഷമാണ് “ചെറിയ ഇലക്ട്രിക്കൽ പ്രശ്നം” ജീവനക്കാരുടെ ശ്രദ്ധയിൽപ്പെട്ടത്. ഇതോടെ മുൻകരുതലെന്ന നിലയിൽ വിമാനം ജോയിൻ്റ് ബേസ് ആൻഡ്രൂസിലേക്ക് തിരിച്ചിറക്കാൻ തീരുമാനിക്കുകയായിരുന്നു.
പ്രസിഡൻ്റും സംഘവും മറ്റൊരു വിമാനത്തിൽ യാത്ര തുടർന്നു. അതിനാൽ, അദ്ദേഹത്തിൻ്റെ ദാവോസ് യാത്ര മുടങ്ങിയില്ല, പകരം ചെറിയ കാലതാമസം മാത്രമാണ് ഉണ്ടായത്. പ്രസിഡൻ്റുമാരോ വൈസ് പ്രസിഡൻ്റുമാരോ സഞ്ചരിക്കുന്ന വിമാനങ്ങളിൽ ഇത്തരം സുരക്ഷാ പ്രശ്നങ്ങൾ ഉണ്ടാകുന്നത് വളരെ അപൂർവമാണ്.
Technical glitch: Air Force One taking off for Davos with Trump returns to base.
