വാഷിംഗ്ടൺ: അമേരിക്കൻ പ്രസിഡൻ്റ് ഡോണൾഡ് ട്രംപ് തന്റെ ട്രൂത്ത് സോഷ്യൽ (Truth Social) അക്കൗണ്ടിൽ “Soon” (ഉടൻ) എന്ന അടിക്കുറിപ്പോടെ പങ്കുവെച്ച നിഗൂഢമായ ഫോട്ടോ സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിരിക്കുകയാണ്. വൈറ്റ് ഹൗസിന് മുകളിൽ ട്രംപ് നിൽക്കുന്ന രീതിയിലുള്ള ഒരു ബ്ലാക്ക് ആൻഡ് വൈറ്റ് ചിത്രമാണിത്.
ഇറാനിൽ സർക്കാരിനെതിരെ നടക്കുന്ന ജനകീയ പ്രക്ഷോഭങ്ങളെ അടിച്ചമർത്തുന്ന പശ്ചാത്തലത്തിൽ, അമേരിക്കൻ സൈനിക നീക്കം ഉടൻ ഉണ്ടായേക്കാം എന്ന സൂചനയായാണ് ട്രംപ് അനുകൂലികൾ ഇതിനെ കാണുന്നത്. ഇറാൻ “ചുവപ്പ് രേഖ” (red line) മറികടന്നതായി താൻ കരുതുന്നുവെന്നും ശക്തമായ നടപടികൾ ആലോചിക്കുന്നുണ്ടെന്നും ട്രംപ് നേരത്തെ വ്യക്തമാക്കിയിരുന്നു. ട്രംപിൻ്റെ ഈ വാക്കുകളും പുതിയ പോസ്റ്റും ചേർത്തുവായിച്ചാണ് പലരും പ്രതികരിക്കുന്നത്.
അതേസമം, ഈ പോസ്റ്റ് വെനസ്വേലയിലെ സൈനിക നീക്കങ്ങളെയോ അല്ലെങ്കിൽ അമേരിക്കയ്ക്കുള്ളിലെ പ്രതിഷേധങ്ങൾക്കെതിരെയുള്ള നടപടികളെയോ കുറിച്ചാണെന്നും അഭ്യൂഹങ്ങൾ പരക്കുന്നുണ്ട്. ചിത്രം എഐ (AI) ഉപയോഗിച്ച് നിർമ്മിച്ചതാണെന്ന് പലരും പരിഹസിക്കുമ്പോൾ, ഇത് ഇറാനെതിരെയുള്ള യുദ്ധത്തിന്റെ മുന്നറിയിപ്പാണെന്നുതന്നെയാണ് വലിയൊരു വിഭാഗം ചൂണ്ടിക്കാട്ടുന്നത്.
The clinically insane president of the US has just posted whatever this is: pic.twitter.com/pgkyAdiR7U
— Daractenus (@Daractenus) January 11, 2026
അമേരിക്ക ആക്രമിക്കുകയാണെങ്കിൽ മേഖലയിലെ യുഎസ് സൈനിക താവളങ്ങളും ഇസ്രായേലും തങ്ങളുടെ ലക്ഷ്യമാകുമെന്ന് ഇറാൻ അമേരിക്കയ്ക്ക് നേരത്തെതന്നെ മുന്നറിയിപ്പ് നൽകിയിട്ടുണ്ട്. അതിനിടെ, ഇറാനിലെ പ്രക്ഷോഭക്കാരെ സഹായിക്കാൻ സൈനികമോ സൈബർ അധിഷ്ഠിതമോ ആയ സഹായം നൽകാൻ ട്രംപ് തീരുമാനിച്ചതായും എന്നാൽ അത് എപ്പോൾ എങ്ങനെ വേണമെന്ന് നിശ്ചയിച്ചിട്ടില്ലെന്നും ചില റിപ്പോർട്ടുകൾ സൂചിപ്പിക്കുന്നു.
Trump posts mysterious ‘soon’ photo and the internet goes crazy
