ഓസ്ട്രേലിയയിൽ ട്രംപ് ഓർഗനൈസേഷൻ നിർമ്മിക്കുന്ന ആദ്യത്തെ ആഡംബര ടവർ വരുന്നു. ഓസ്ട്രേലിയയിലെ ഏറ്റവും ഉയർന്ന കെട്ടിടമായിയിരിക്കും ‘ട്രംപ് ടവർ’ നിവലിൽ അറിയപ്പെടുന്ന ഈ കെട്ടിടം.
ഓസ്ട്രേലിയയിലെ ഗോൾഡ് കോസ്റ്റിൽ ട്രംപ് ബ്രാൻഡിലുള്ള ആദ്യത്തെ അംബരചുംബി നിർമ്മിക്കുന്നതിനായി ട്രംപ് ഓർഗനൈസേഷൻ കരാർ ഒപ്പിട്ടു. ഫെബ്രുവരി 14-ന് ഫ്ലോറിഡയിലെ മാർ-എ-ലാഗോ റിസോർട്ടിൽ വെച്ചാണ് ഇതിനായി കരാർ ഒപ്പിട്ടത്. ഏകദേശം 1.5 ബില്യൺ ഓസ്ട്രേലിയൻ ഡോളർ (1.06 ബില്യൺ യുഎസ് ഡോളർ) ചിലവ് പ്രതീക്ഷിക്കുന്ന ഈ പദ്ധതി പൂർത്തിയാകുമ്പോൾ രാജ്യത്തെ ഏറ്റവും ഉയരം കൂടിയ കെട്ടിടമായി മാറുമെന്ന് ഡെവലപ്പർമാർ അവകാശപ്പെടുന്നു.
ക്വീൻസ്ലൻഡ് സംസ്ഥാനത്തെ പ്രശസ്തമായ വിനോദസഞ്ചാര കേന്ദ്രമായ ഗോൾഡ് കോസ്റ്റിലെ സർഫേഴ്സ് പാരഡൈസിലാണ് ഈ കെട്ടിടം ഉയരുന്നത്. 91 നിലകളുള്ള ഈ ടവറിൽ ഒരു ‘സിക്സ് സ്റ്റാർ റിസോർട്ട്-ഹോട്ടൽ’, 270 ആഡംബര അപ്പാർട്ടുമെന്റുകൾ, കടകൾ, ബീച്ച് ക്ലബ്ബ്, നീന്തൽക്കുളം എന്നിവയുണ്ടാകും.
ലോകോത്തര നിലവാരത്തിലുള്ള രൂപകൽപ്പനയും ഗോൾഡ് കോസ്റ്റ് ബീച്ചിൻ്റെ മനോഹരമായ കാഴ്ചയും ഈ കെട്ടിടത്തിൻ്റെ പ്രത്യേകതയായിരിക്കും. ‘ട്രംപ്’ എന്ന ബ്രാൻഡ് പേര് ഈ കെട്ടിടത്തിന് ലോകത്തിലെ തന്നെ ഏറ്റവും മികച്ച ഗുണനിലവാരം ഉറപ്പാക്കുമെന്ന് നിർമ്മാതാക്കൾ പറയുന്നു.
പ്രാദേശിക ഡെവലപ്പറായ അൾട്ടസ് പ്രോപ്പർട്ടി ഗ്രൂപ്പിന്റെ സിഇഒ ഡേവിഡ് യംഗ് ആണ് ഈ പദ്ധതിക്ക് നേതൃത്വം നൽകുന്നത്. ഏതാണ്ട് 20 വർഷത്തെ പരിശ്രമത്തിനൊടുവിലാണ് ഈ സ്വപ്ന പദ്ധതി യാഥാർത്ഥ്യമാകുന്നത്. ഈ ടവറിലെ അപ്പാർട്ടുമെന്റുകളുടെ വില 5 മില്യൺ ഓസ്ട്രേലിയൻ ഡോളറിൽ നിന്ന് (ഏകദേശം 27 കോടി രൂപ) ആരംഭിക്കുമെന്നാണ് കണക്കാക്കുന്നത്.
‘Trump Tower’ is set to become the tallest building in Australia. The 91-storey building will cost $1.06 billion, and an apartment will cost $270 million.
