മിനസോട്ടയിലെ ഐസിഇ ഏജൻ്റുമാരുടെ പ്രവർത്തനങ്ങളിൽ ഏർപ്പെടുത്തിയ നിയന്ത്രണങ്ങൾ യുഎസ് അപ്പീൽ കോടതി തടഞ്ഞു; പെപ്പർ സ്പ്രേ പ്രയോഗിക്കാം, അറസ്റ്റ് ചെയ്യാം, തടഞ്ഞുവെക്കാം !

വാഷിംഗ്ടൺ: മിനസോട്ടയിലെ ഇമിഗ്രേഷൻ ആൻഡ് കസ്റ്റംസ് എൻഫോഴ്‌സ്‌മെൻ്റ് ഏജൻ്റുമാരുടെ പ്രവർത്തനങ്ങളിൽ ഏർപ്പെടുത്തിയ നിയന്ത്രണങ്ങൾ യുഎസ് അപ്പീൽ കോടതി തടഞ്ഞു. എട്ടാം യുഎസ് സർക്യൂട്ട് കോർട്ട് ഓഫ് അപ്പീൽസാണ് ഈ ഉത്തരവ് പുറപ്പെടുവിച്ചത്.

മിനസോട്ടയിലെ പ്രതിഷേധക്കാർക്കെതിരെ പെപ്പർ സ്പ്രേ ഉപയോഗിക്കുന്നതിനും അവരെ അറസ്റ്റ് ചെയ്യുന്നതിനും തടഞ്ഞുവെക്കുന്നതിനും കീഴ്ക്കോടതി ഏർപ്പെടുത്തിയിരുന്ന നിയന്ത്രണങ്ങളാണ് അപ്പീൽ കോടതി സ്റ്റേ ചെയ്തത്. കീഴ്ക്കോടതിയുടെ ഉത്തരവ് വളരെ വിപുലവും പ്രായോഗികമായി നടപ്പിലാക്കാൻ ബുദ്ധിമുട്ടുള്ളതുമാണെന്ന് അപ്പീൽ കോടതി നിരീക്ഷിച്ചു.

മിനിയാപൊളിസിലെ ഐസിഇ ഏജൻ്റുമാരുടെ നടപടികൾ പ്രതിഷേധക്കാരുടെ ഭരണഘടനാപരമായ അവകാശങ്ങൾ ലംഘിക്കുന്നുവെന്ന് കാണിച്ച് നൽകിയ ഹർജിയിലാണ് യുഎസ് ജില്ലാ ജഡ്ജി കാതറിൻ മെനൻഡസ് നേരത്തെ നിയന്ത്രണങ്ങൾ ഏർപ്പെടുത്തിയിരുന്നത്. കേസിൽ അന്തിമ തീരുമാനം വരുന്നത് വരെ ഐസിഇ ഏജൻ്റുമാർക്ക് പഴയതുപോലെ തങ്ങളുടെ എൻഫോഴ്‌സ്‌മെൻ്റ് പ്രവർത്തനങ്ങൾ തുടരാൻ ഈ വിധി അനുമതി നൽകുന്നു.

US appeals court blocks restrictions on ICE agents in Minnesota.