വാഷിംഗ്ടൺ: ഇറാനുമായുള്ള യുദ്ധത്തിൽ അവരുടെ നാവികസേനയെ പൂർണ്ണമായും തകർത്തുവെന്ന് യുഎസ് പ്രസിഡൻ്റ് ഡോണൾഡ് ട്രംപ് അവകാശപ്പെട്ടു. എം.എൽ.എസ് ചാമ്പ്യന്മാരായ ഇൻ്റർ മയാമിയിലെ താരങ്ങൾ പങ്കെടുത്ത ഒരു ചടങ്ങിൽ വെച്ചായിരുന്നു ട്രംപ് ഇക്കാര്യം പറഞ്ഞത്. “അവരുടെ നാവികസേന ഇല്ലാതായി”, മൂന്ന് ദിവസത്തിനുള്ളിൽ അമേരിക്ക “24 കപ്പലുകൾ” തകർത്തുവെന്നും അദ്ദേഹം അവകാശപ്പെട്ടു. അവരുടെ വിമാനവിരുദ്ധ ആയുധങ്ങളും വിമാനങ്ങളും ഇല്ലാതായെന്നും അദ്ദേഹം കൂട്ടിച്ചേർത്തു. യുദ്ധത്തെക്കുറിച്ചുള്ള ഈ വിവരങ്ങൾ ചടങ്ങിൻ്റെ തുടക്കത്തിൽ തന്നെ ട്രംപ് നൽകിയെങ്കിലും, വിശദാംശങ്ങൾ വെളിപ്പെടുത്താത്തിയിട്ടില്ല.
അവർക്ക് വ്യോമസേനയോ വ്യോമപ്രതിരോധ സംവിധാനമോ ഇല്ലെന്നും,” പ്രസിഡൻ്റ് പറഞ്ഞു. ഇറാനിയൻ നേതാക്കൾ ഇപ്പോൾ ഒരു കരാറിലേർപ്പെടാനും പോരാട്ടം അവസാനിപ്പിക്കാനും തയ്യാറാണെന്നും ട്രംപ് സൂചിപ്പിച്ചു. എന്നാൽ “അവരേക്കാൾ കൂടുതൽ ഇപ്പോൾ പോരാടാൻ ആഗ്രഹിക്കുന്നത് ഞങ്ങളാണ്” എന്നും അദ്ദേഹം പറഞ്ഞു.
സുരക്ഷാ പരിരക്ഷ (immunity) തേടുന്ന ഇറാനിയൻ നയതന്ത്രജ്ഞർക്ക് “മികച്ച സാധ്യതകളുള്ള, പുതിയതും മെച്ചപ്പെട്ടതുമായ ഒരു ഇറാനെ രൂപപ്പെടുത്താൻ ഞങ്ങളെ സഹായിക്കാനാകും” എന്നും ട്രംപ് വ്യാഴാഴ്ച പറഞ്ഞു. തങ്ങളുടെ രാജ്യം തിരിച്ചുപിടിക്കാൻ സഹായിക്കണമെന്ന് ഇറാനിയൻ ജനതയോടും ട്രംപ് അഭ്യർത്ഥിച്ചു. അവർക്ക് അമേരിക്ക “സുരക്ഷാ പരിരക്ഷ” നൽകുമെന്നും അദ്ദേഹം കൂട്ടിച്ചേർത്തു.
ഇറാനിലെ നിലവിലെ ഭരണകൂടത്തിന് കീഴിലുള്ള യുദ്ധത്തെയും അപകടങ്ങളെയും കുറിച്ച് ട്രംപ് പറഞ്ഞത് ഇങ്ങനെയാണ്: “നിങ്ങൾക്ക് പൂർണ്ണമായ സുരക്ഷാ പരിരക്ഷയോടെ സുരക്ഷിതരായിരിക്കാം, അല്ലെങ്കിൽ ഉറപ്പായ മരണം നേരിടേണ്ടി വരും. അത് കാണാൻ ഞാൻ ആഗ്രഹിക്കുന്നില്ല.”
അതേസമയം, ഇറാൻ യുദ്ധം ആരംഭിച്ചതിനെത്തുടർന്ന് മിഡിൽ ഈസ്റ്റിൽ കുടുങ്ങിയ അമേരിക്കക്കാരുമായി ആദ്യത്തെ യുഎസ് ചാർട്ടർ വിമാനം വാഷിംഗ്ടണിൽ എത്തി. സ്റ്റേറ്റ് ഡിപ്പാർട്ട്മെൻ്റാണ് ഇക്കാര്യം അറിയിച്ചത്. വ്യാഴാഴ്ച ഉച്ചകഴിഞ്ഞ് വിമാനം ഡള്ളസ് അന്താരാഷ്ട്ര വിമാനത്താവളത്തിലാണ് ലാൻഡ് ചെയ്തത്. എന്നാൽ, വിമാനത്തിൽ എത്ര അമേരിക്കക്കാരുണ്ടായിരുന്നുവെന്നോ മിഡിൽ ഈസ്റ്റിലെ ഏത് സ്ഥലത്തുനിന്നാണ് വിമാനം പുറപ്പെട്ടതെന്നോ വ്യക്തമാക്കാൻ അധികൃതർ തയ്യാറായില്ല.
US President Donald Trump claims Iran’s navy was completely destroyed in war
