വാഷിംഗ്ടൺ:ഇറാനുമായുള്ള സംഘർഷം കൊടുംപിരികൊണ്ടിരിക്കെ അമേരിക്കൻ പൗരന്മാരുടെ സുരക്ഷയ്ക്ക് പ്രഥമ പരിഗണന നൽകുന്നുവെന്ന് വ്യക്തമാക്കി യുഎസ് സ്റ്റേറ്റ് ഡിപ്പാർട്ട്മെൻ്റ് ആഗോള സുരക്ഷാ നിർദ്ദേശം പുറപ്പെടുവിച്ചു. ബ്യൂറോ ഓഫ് കൺസുലർ അഫയേഴ്സ് പുറത്തുവിട്ട അറിയിപ്പിൽ മിഡിൽ ഈസ്റ്റിലെ സുരക്ഷാ നടപടികളെക്കുറിച്ച് പ്രത്യേകം പരാമർശിക്കുന്നുണ്ട്.
ബഹ്റൈൻ, ഇസ്രായേൽ, കുവൈറ്റ്, സൗദി അറേബ്യ, യുണൈറ്റഡ് അറബ് എമിറേറ്റ്സ് (UAE), ഖത്തർ എന്നിവിടങ്ങളിലുള്ള അമേരിക്കൻ പൗരന്മാർക്ക് രാജ്യം വിടുന്നതിന് സഹായം ആവശ്യമെങ്കിൽ ഒരു ‘ക്രൈസിസ് ഇൻടേക്ക് ഫോം’ പൂരിപ്പിക്കാൻ നിർദ്ദേശിച്ചു. യുഎസ് ഗവൺമെന്റ് ഒരുക്കുന്ന ഒഴിപ്പിക്കൽ മാർഗങ്ങളെക്കുറിച്ചുള്ള വിവരങ്ങൾ ഈ ഫോം വഴി ലഭിക്കും.
പൗരന്മാർക്ക് travel.state.gov എന്ന വെബ്സൈറ്റ് സന്ദർശിക്കുകയോ, STEP അലേർട്ടുകളിൽ രജിസ്റ്റർ ചെയ്യുകയോ ചെയ്യാം. 24 മണിക്കൂറും പ്രവർത്തിക്കുന്ന സ്റ്റേറ്റ് ഡിപ്പാർട്ട്മെന്റ് ടാസ്ക് ഫോഴ്സുമായി കൺസുലർ സേവനങ്ങൾക്കായി ബന്ധപ്പെടാവുന്നതാണ്.
- വിദേശത്തുനിന്ന്: +1-202-501-4444
- യുഎസ്, കാനഡ എന്നിവിടങ്ങളിൽ നിന്ന്: +1-888-407-4747
കൂടുതൽ വിവരങ്ങൾക്കായി http://travel.state.gov/destination സന്ദർശിക്കുക. അലേർട്ടുകൾ നേരിട്ട് ലഭിക്കുന്നതിനായി http://step.state.gov എന്ന ലിങ്കിൽ എൻറോൾ ചെയ്യുക.
ലോകമെമ്പാടുമുള്ള യുഎസ് പൗരന്മാർ വിനോദസഞ്ചാര കേന്ദ്രങ്ങളിലും പൊതുസ്ഥലങ്ങളിലും അതീവ ജാഗ്രത പാലിക്കണം. ഭീകരാക്രമണങ്ങൾക്കും പ്രതിഷേധങ്ങൾക്കും സാധ്യതയുള്ളതിനാൽ ജനക്കൂട്ടത്തിനിടയിൽ പോകുന്നത് ഒഴിവാക്കാനും നിർദ്ദേശമുണ്ട്.
The Trump Administration has no higher priority than the safety and security of Americans worldwide. Here is a summary of our Middle East security updates as of March 4, 9pm EST. Americans trying to get home from Bahrain, Israel, Kuwait, Saudi Arabia, the United Arab Emirates, or… pic.twitter.com/ZXTbH3NfB5
— TravelGov (@TravelGov) March 5, 2026
US State Department issues security alert to American citizens worldwide
