തിരുവനന്തപുരം: കെപിസിസി വിലക്ക് ലംഘിച്ച് മുതിർന്ന കോൺഗ്രസ് നേതാവ് മണിശങ്കർ അയ്യർ കേരളീയം സെമിനാറിൽ പങ്കെടുത്തു. അധികാര വികേന്ദ്രീകരണം സംബന്ധിച്ച സെമിനാറിൽ ആണ് പങ്കെടുത്തത്.
പഞ്ചായത്ത് രാജ് നിയമം നടപ്പിലാക്കിയത് രാജീവ് ഗാന്ധിയാണ്, രാജീവ് ഗാന്ധിക്കുള്ള സമർപ്പണമായിട്ടാണ് താൻ ഈ സെമിനാറിൽ പങ്കെടുക്കുന്നത്. അത് പാർട്ടി മനസ്സിലാക്കുമെന്നു കരുതുന്നു എന്നും അദ്ദേഹം പറഞ്ഞു. രാജ്യത്ത് പഞ്ചയത്ത് രാജ് നടപ്പാക്കാൻ ഏറെ അധ്വാനിച്ച വ്യക്തികളിലൊരാളാണ് മണിശങ്കർ അയ്യർ.
സംസ്ഥാനത്ത് കടുത്ത സാമ്പത്തിക പ്രതിസന്ധി നിലനിൽക്കെ കേരളീയം പോലുള്ള പരിപാടികൾ ധൂർത്താണ് എന്ന് ആരോപിച്ച് കോൺഗ്രസ് ഈ പരിപാടിയിൽ നിന്ന് വിട്ടുനിൽക്കുകയാണ്. പാർട്ടി പ്രവർത്തകർ ആരും ഇതിൽ പങ്കെടുക്കരുത് എന്നും നിർദേശിച്ചിരുന്നു.
രാഷ്ട്രീയം പറയാനല്ല സെമിനാറിൽ പങ്കെടുക്കുന്നതെന്ന്‌ മണി ശങ്കർ അയ്യർ പറഞ്ഞു. അതിദാരിദ്ര്യം തുടച്ച് നീക്കലാണ് പഞ്ചായത്തീരാജിന്റെ അടിസ്ഥാന ആശയം. പഞ്ചായത്തീരാജിന്റെ വിജയം കേരളത്തിന്റെ ജനങ്ങളുടേതാണ്. ഈ വിജയം കേരളത്തിലെ യുഡിഎഫിനും എൽഡിഎഫിനും ഒരുപോലെ അവകാശപ്പെട്ടതാണ്. അദ്ദേഹം പറഞ്ഞു.
Mani Shankar Aiyar defies State Congress request to not take part in Keraleeyam seminar
