തിരുവനന്തപുരം: കേരളത്തില് വരും ദിവസങ്ങളിലും ഉയര്ന്ന താപനിലയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്നലെ ആറു ജില്ലകളിലാണ് അലേര്ട്ടുകള് നല്കിയിരുന്നതെങ്കില് ഇന്ന് എട്ട് ജില്ലകള്ക്കാണ് അലേര്ട്ട് നല്കിയിട്ടുള്ളത്.
ഇന്ന് ഉച്ചയ്ക്കാണ് പുതിയ ഉയര്ന്ന താപനില മുന്നറിയിപ്പ് പുറത്തിറക്കിയത്. ഇന്നും നാളെയും കൊല്ലം, കോട്ടയം, പാലക്കാട് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര് ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയും (സാധാരണയെക്കാള് രണ്ടു മുതല് മൂന്ന് ഡിഗ്രി സെല്ഷ്യസ് കൂടുതല്) താപനില ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.അതേസമയം, സംസ്ഥാനത്ത് താപനില ഉയര്ന്ന നിലയില് തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. സൂര്യാഘാതം ഏല്ക്കാനുള്ള സാധ്യതകള് കൂടുതലായതിനാല് ആളുകള് ജാഗ്രത പാലിക്കണമെന്ന് അധികൃതര് അറിയിച്ചു.
