തിരുവനന്തപുരം: കേരളത്തില് താപനില ഉയര്ന്നേക്കുമെന്നുള്ള ജാഗ്രതാ നിര്ദേശം ഇന്നും കാലാവസ്ഥാ നല്കുന്നു. ഇന്ന് ഏഴുജില്ലകളിലാണ് താപനില ഉയരാന് സാധ്യത. കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് പ്രകാരം കൊല്ലം, പാലക്കാട്, പത്തനംതിട്ട, ആലപ്പുഴ, കോഴിക്കോട്, കോട്ടയം, തൃശൂര് ജില്ലകളില് ആണ് യെല്ലോ അലര്ട്ടുള്ളത്. ഈ ജില്ലകളില് താപനില സാധാരണയെക്കാള് രണ്ട് മുതല് നാല് ഡിഗ്രി സെല്ഷ്യസ് വരെ ഉയര്ന്നേക്കും.
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകുമെന്നതിനാല് പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി വ്യക്തമാക്കുന്നു.
Tags:
