കൊച്ചി: നടി ആക്രമണക്കേസിൽ ദിലീപിനെ കുറ്റവിമുക്തനാക്കിയത് “സത്യത്തിനും ന്യായത്തിനും യോജിച്ച വിധി” മാത്രമാണെന്ന് ദിലീപിന്റെ മുതിർന്ന അഭിഭാഷകൻ ബി. രാമൻ പിള്ള. കള്ളത്തെളിവുകൾ കൊണ്ട് കേസ് ജയിക്കാനാവില്ലെന്നും ഒരു തെളിവും ഇല്ലാത്ത ചാർജാണ് ദിലീപിനെതിരെ ചുമത്തിയതെന്നും അദ്ദേഹം ആഞ്ഞടിച്ചു. വിധിപ്പകർപ്പ് ലഭിച്ചശേഷം തുടർനടപടികൾ ആലോചിക്കുമെന്നും രാമൻ പിള്ള വ്യക്തമാക്കി.
ദിലീപിനെ “വേട്ടയാടുക” മാത്രമാണ് അന്വേഷണ ഉദ്യോഗസ്ഥർ ചെയ്തതെന്ന് അഭിഭാഷകൻ ആരോപിച്ചു. സീനിയർ പൊലീസ് ഉദ്യോഗസ്ഥയുടെ നിർദേശപ്രകാരം ജൂനിയർ ഉദ്യോഗസ്ഥനായ ബൈജു പൗലോസിനെ അന്വേഷണ ചുമതല ഏൽപ്പിച്ചെന്നും അവസാനം വരെ അദ്ദേഹം ടീമിലുണ്ടായിരുന്നുവെന്നും രാമൻ പിള്ള പറഞ്ഞു. സാക്ഷിയായി ഇറക്കിയ ബാലചന്ദ്രകുമാറിന്റെ മൊഴികൾ പൂർണമായും കള്ളമായിരുന്നുവെന്നും അതും ഗൂഢാലോചനയുടെ ഭാഗമാണെന്നും അദ്ദേഹം ആരോപിച്ചു.
200-ലേറെ സാക്ഷികളെ വിസ്തരിച്ചിട്ടും ദിലീപിനെതിരെ ഒരു ദുരന്തവും കണ്ടെത്താനായില്ലെന്ന് അഭിഭാഷകൻ ചൂണ്ടിക്കാട്ടി. അഭിഭാഷകർ മാറാതിരുന്നെങ്കിൽ കേസ് ഇത്രയും വൈകില്ലായിരുന്നുവെന്നും അദ്ദേഹം കുറ്റപ്പെടുത്തി. വിധിപ്പകർപ്പ് ലഭിച്ചശേഷം മാത്രം വിശദമായി പ്രതികരിക്കാമെന്ന നിലപാടിലാണ് പ്രോസിക്യൂഷൻ.
