തിരുവനന്തപുരം : സംസ്ഥാനത്ത് വ്യാപക മഴ ഇന്നും തുടരാന് സാധ്യത. പ്രത്യേകിച്ച് വടക്കന് ജില്ലകളിലാണ് മഴ കനക്കുക. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് നല്കിയിട്ടുണ്ട്. ഈ ജില്ലകളില് അതിശക്തമായ മഴ മുന്നറിയിപ്പാണുള്ളത്. തിരുവനന്തപുരം, ഇടുക്കി, എറണാകുളം, തൃശൂര്, പാലക്കാട് ജില്ലകളില് യെലോ അലര്ട്ടും പ്രഖ്യാപിച്ചിട്ടുണ്ട്.
അറബിക്കടലിലും കര്ണാടകത്തിനു മുകളിലും ന്യൂനമര്ദങ്ങള് സ്ഥിതിചെയ്യുന്നു. ഇവയുടെ സ്വാധീനവും മഴ ശക്തമാക്കിയേക്കും. നാളെ ബംഗാള് ഉള്ക്കടലില് ന്യൂനമര്ദം രൂപമെടുക്കാന് സാധ്യതയുണ്ട്. ഇതോടെ വരുന്ന അഞ്ചു ദിവസം സംസ്ഥാനത്ത് മഴ ലഭിക്കാനിടയുണ്ടെന്ന് കാലാവസ്ഥാ വകുപ്പ് അറിയിച്ചു.
കടല് പ്രക്ഷുബ്ധമായതിനാല് 27ാം തീയതി വരെ മത്സ്യത്തൊഴിലാളികള് കടലില് പോകരുതെന്നും ജാഗ്രതാ നിര്ദേശമുണ്ട്.
Widespread rain in the state today, orange alert.
