ന്യൂയോർക്ക്: മുൻ അമേരിക്കൻ പ്രസിഡന്റ് ബരാക് ഒബാമയും ന്യൂയോർക്ക് നഗര മേയർ സോഹ്രാൻ മംദാനിയും ശനിയാഴ്ച നഗരത്തിലെ പ്രീസ്കൂളിൽ കൂടിക്കാഴ്ച നടത്തി. പ്രീസ്കൂൾ വായന പരിപാടിയുടെ ഭാഗമായാണ് ഇരുവരും കുട്ടികളുമായി സമയം ചെലവഴിച്ചത്. പരിപാടിയിൽ “Alone and Together” എന്ന പുസ്തകം കുട്ടികൾക്ക് വായിച്ചുകേൾപ്പിച്ച ശേഷം “The Wheels on the Bus” എന്ന ഗാനത്തോടൊപ്പം കുട്ടികളുമായി ചേർന്ന് ഇരുവരും പാടുകയും ചെയ്തു.
തുടർന്ന് മാധ്യമങ്ങളുടെ ചോദ്യങ്ങൾക്ക് ഇരുവരും പ്രതികരിച്ചില്ല. മേയറുടെ ഓഫീസ് പുറത്തിറക്കിയ പ്രസ്താവനയിൽ, മംദാനിയുടെ ന്യൂയോർക്ക് നഗരത്തെ കുറിച്ചുള്ള കാഴ്ചപ്പാടും പ്രാരംഭ ശിശു വിദ്യാഭ്യാസത്തിന്റെ പ്രാധാന്യവും ഇരുവരും ചർച്ച ചെയ്തതായി അറിയിച്ചു.
ജനുവരിയിൽ അധികാരത്തിലെത്തിയ മംദാനി, നഗരത്തെ കൂടുതൽ ചെലവുകുറഞ്ഞതാക്കുകയും തൊഴിലാളിവർഗത്തിന് കൂടുതൽ പിന്തുണ നൽകുകയും ചെയ്യുന്നതാണ് തന്റെ ഭരണപരമായ ലക്ഷ്യമെന്ന് വ്യക്തമാക്കിയിട്ടുണ്ട്.
ഇതിനിടെ, റിപ്പബ്ലിക്കൻ പ്രസിഡന്റ് ഡൊണാൾഡ് ട്രംപുമായും പ്രവർത്തനബന്ധം നിലനിർത്താൻ മംദാനി ശ്രമിക്കുന്ന സാഹചര്യത്തിലാണ് ഒബാമയുമായുള്ള ഈ കൂടിക്കാഴ്ച ശ്രദ്ധ നേടുന്നത്. മുമ്പ് രണ്ടുതവണ ട്രംപുമായി വൈറ്റ് ഹൗസിൽ അദ്ദേഹം കൂടിക്കാഴ്ച നടത്തിയിരുന്നു.
അതേസമയം, അടുത്തിടെ ട്രംപ് മംദാനിയുടെ നയങ്ങളെ വിമർശിച്ച് സോഷ്യൽ മീഡിയയിൽ പ്രതികരിച്ചിരുന്നു. എങ്കിലും “അഭിപ്രായ വ്യത്യാസങ്ങൾ ഉണ്ടായാലും ന്യൂയോർക്ക് നഗരത്തെ ഞങ്ങൾ ഇരുവരും സ്നേഹിക്കുന്നു” എന്നാണ് മംദാനിയുടെ പ്രതികരണം.
Barack Obama and Susannah met at the preschool
