നേമത്തെ എൻഡിഎ സ്ഥാനാർത്ഥിയും ബിജെപി സംസ്ഥാന അധ്യക്ഷനുമായ രാജീവ് ചന്ദ്രശേഖറിനെതിരെ തിരഞ്ഞെടുപ്പ് കമ്മീഷനിൽ പരാതിയുമായി കോൺഗ്രസ്. സത്യവാങ്മൂലത്തിൽ തന്റെ സ്വത്തുവിവരങ്ങൾ കൃത്യമായി വെളിപ്പെടുത്തിയില്ലെന്നാണ് പരാതിയിലെ പ്രധാന ആരോപണം. ബംഗളൂരുവിലുള്ള തന്റെ ഉടമസ്ഥതയിലുള്ള വീടിന്റെ വിവരം സത്യവാങ്മൂലത്തിൽ നിന്ന് ബോധപൂർവ്വം മറച്ചുവെച്ചുവെന്ന് കോൺഗ്രസ് ആരോപിക്കുന്നു. ഏകദേശം 200 കോടി രൂപ വിലമതിക്കുന്ന വീട് സ്വന്തമായുണ്ടായിട്ടും, സത്യവാങ്മൂലത്തിൽ തനിക്ക് സ്വന്തമായി വീടില്ലെന്നാണ് അദ്ദേഹം രേഖപ്പെടുത്തിയിരിക്കുന്നത്.
സ്ഥാനാർത്ഥിയെ അയോഗ്യനാക്കണമെന്ന് ആവശ്യപ്പെട്ട് സമർപ്പിച്ച പരാതിയിൽ നിർണ്ണായകമായ രേഖകളും കോൺഗ്രസ് ഉൾപ്പെടുത്തിയിട്ടുണ്ട്. ആരോപിക്കപ്പെടുന്ന വീടിന്റെ വസ്തു നികുതി അടച്ചതിന്റെ രസീതുകൾ ഉൾപ്പെടെയുള്ള തെളിവുകളാണ് തിരഞ്ഞെടുപ്പ് കമ്മീഷന് കൈമാറിയിരിക്കുന്നത്. നിയമപരമായ വിവരങ്ങൾ മറച്ചുവെച്ച് വോട്ടർമാരെ തെറ്റിദ്ധരിപ്പിച്ച സ്ഥാനാർത്ഥിക്കെതിരെ കർശന നടപടി വേണമെന്നാണ് കോൺഗ്രസിന്റെ ആവശ്യം.
Congress files complaint against Rajeev Chandrasekhar over alleged non-disclosure in election affidavit
