ഫോർട്ട് ലോഡർഡെയിൽ, ഫ്ലോറിഡ: 16-ാമത് KCCNA കൺവെൻഷന്റെ രണ്ടാം ദിനത്തിൽ KCCNA വിമൻസ് ഫോറം ഓഫ് നോർത്ത് അമേരിക്ക (KCWFNA) അവതരിപ്പിച്ച “ക്നാനായ റോയൽ കിംഗ്ഡം പേജന്റ്” പ്രേക്ഷകരുടെ ഹൃദയം കീഴടക്കിയ രാജകീയ വിരുന്നായി മാറി. KCWFNA ഇതുവരെ സംഘടിപ്പിച്ച ഏറ്റവും വലിയ അവതരണമായ ഈ പേജന്റ് കൺവെൻഷന്റെ ശ്രദ്ധേയ ആകർഷണങ്ങളിലൊന്നായി മാറി.
വിജയികൾ :
ക്വീൻ വിഭാഗം
2 ജേതാവ്: സ്റ്റെല്ല പ്ലാത്തോട്ടത്തിൽ (ഹൂസ്റ്റൺ)
& ഒന്നാം റണ്ണറപ്പ്: ഷോമ മങ്ങാട്ടുപുലിക്കിയിൽ (ഡിട്രോയിറ്റ്)
3 രണ്ടാം റണ്ണറപ്പ്: ജീന മട്ടത്തിൽ (ഷിക്കാഗോ)
കിംഗ് വിഭാഗം
ജേതാവ്: ജേക്കബ് കന്യാലിൽ (താമ്പാ)
& ഒന്നാം റണ്ണറപ്പ്: ബേർണി മുല്ലപ്പള്ളി (ന്യൂയോർക്ക്)
3 രണ്ടാം റണ്ണറപ്പ്: റോജർ നെല്ലാമറ്റം (ഹൂസ്റ്റൺ)
പ്രിൻസസ് വിഭാഗം
ജേതാവ്: ആഷ്ലിൻ കുഴിക്കാട്ടിൽ (ഡാളസ്) & ഒന്നാം റണ്ണറപ്പ്: മിഖായ്ലാ മച്ചാനിക്കൽ (താമ്പാ)
3 രണ്ടാം റണ്ണറപ്പ്: അഞ്ജലി കുന്നശ്ശേരി (ഷിക്കാഗോ)
പ്രിൻസ് വിഭാഗം
ജേതാവ്: ഇസയ്യ മുള്ളപ്പള്ളി (ന്യൂയോർക്ക്)
& ഒന്നാം റണ്ണറപ്പ്: സാമുവൽ മട്ടത്തിൽ (ഷിക്കാഗോ)
3 രണ്ടാം റണ്ണറപ്പ്: ആൻ്റണി നെല്ലാമറ്റം (ഹൂസ്റ്റൺ)
KCWFNA ദേശീയ പ്രസിഡന്റ് ഡാനി പല്ലാട്ടുമഠത്തിൻ്റെ നേതൃത്വത്തിൽ, ജനറൽ സെക്രട്ടറി മരിയ കൈതാരം, വൈസ് പ്രസിഡന്റ്റ് ലീല മട്ടത്തിൽ, ട്രഷറർ രേഷ്മ കൊച്ചുപുരയ്ക്കൽ, ജോയിന്റ് സെക്രട്ടറി മഞ്ജു നെടുമാക്കേൽ, ജോയിൻ്റ് ട്രഷറർ നിധി കോടിഞ്ഞിയിൽ എന്നിവരുടെയും ദേശീയ കമ്മിറ്റിയുടെയും മാസങ്ങളായുള്ള തയ്യാറെടുപ്പിന്റെ ഫലമായാണ് ഈ മെഗാ പരിപാടി അരങ്ങേറിയത്.
Introduction Round, Talent Round, Question & Answer Round മത്സരത്തിൽ ഓരോ മത്സരാർത്ഥിയും ആത്മവിശ്വാസവും വ്യക്തിത്വവും കഴിവും വേദിയിൽ അതിമനോഹരമായി അവതരിപ്പിച്ചു. മത്സരത്തിൻ്റെ നിലവാരം വളരെ ഉയർന്നതിനാൽ വിധികർത്താക്കൾക്ക് വിജയികളെ കണ്ടെത്തുക ഏറെ ശ്രമകരമായിരുന്നുവെന്ന് സംഘാടകർ അറിയിച്ചു.
ക്നാനായ സമൂഹത്തിന് പുറത്തുനിന്നുള്ള വിധികർത്താക്കളുടെ പാനലാണ് മത്സരത്തെ വിലയിരുത്തിയത്. നിഷ്പക്ഷവും പ്രൊഫഷണലുമായ വിലയിരുത്തലാണ് മത്സരത്തിന്റെ വിശ്വാസ്യത വർധിപ്പിച്ചതെന്ന് സംഘാടകർ പറഞ്ഞു.
വിജയികൾക്ക് കിരീടവും ട്രോഫിയും ദേശീയ വേദിയിൽ സമ്മാനിച്ചു. വിവിധ യൂണിറ്റുകളിൽ നിന്നുള്ള മത്സരാർത്ഥികൾ ക്നാനായ സമൂഹത്തിൻ്റെ പ്രതിഭയും ആത്മവിശ്വാസവും കുടുംബമൂല്യങ്ങളും ദേശീയ വേദിയിൽ മികച്ച രീതിയിൽ അവതരിപ്പിച്ചതായി വിധികർത്താക്കൾ അഭിപ്രായപ്പെട്ടു.
കിരീടം ചൂടിയത് ഏതാനും പേരാണെങ്കിലും, പങ്കെടുത്ത ഓരോ മത്സരാർത്ഥിയും തങ്ങളുടെ യൂണിറ്റിന്റെ അഭിമാനവും ക്നാനായ സമൂഹത്തിൻ്റെ കഴിവും ദേശീയ വേദിയിൽ ഉയർത്തിക്കാട്ടാൻ കഴിഞ്ഞു. നിറഞ്ഞ സദസ്സിന്റെ കൈയടിയും ആവേശവും മത്സരാർത്ഥികളുടെ മികച്ച പ്രകടനവും പരിപാടിയെ തുടക്കം മുതൽ അവസാനം വരെ ആവേശഭരിതമാക്കി.
KCCNA പ്രസിഡന്റ്റ് ജെയിംസ് ഇല്ലിക്കൽ, കൺവെൻഷൻ ചെയർമാൻ ജോബി ഊരാളിൽ, KCWFNA ദേശീയ പ്രസിഡൻ്റ് ഡാനി പല്ലാട്ടുമഠം എന്നിവർ വിജയികളെയും എല്ലാ മത്സരാർത്ഥികളെയും അഭിനന്ദിച്ചു. കുടുംബമൂല്യങ്ങളും പാരമ്പര്യവും കലാപ്രതിഭയും ഒരുമിപ്പിച്ച ഈ പരിപാടി, 16-ാമത് KCCNA കൺവെൻഷൻ്റെ ഏറ്റവും മികച്ച കുടുംബ അവതരണങ്ങളിലൊന്നായി മാറിയെന്ന് അവർ അഭിപ്രായപ്പെട്ടു.
പാരമ്പര്യവും രാജകീയ പ്രൗഢിയും കലാപ്രതിഭയും ആത്മവിശ്വാസവും ഒരുമിച്ചുചേർന്ന “ക്നാനായ റോയൽ കിംഗ്ഡം പേജന്റ്” 16-ാമത് KCCNA കൺവെൻഷൻ്റെ ഏറ്റവും ശ്രദ്ധേയവും ജനപ്രീതിയാർജിച്ചതുമായ പരിപാടികളിലൊന്നായി മാറി.
‘Knanaya Royal Kingdom Pageant’ creates excitement at the 16th KCCNA Convention
