അരുൺ ഭാസ്കർ : MACF ന്യൂസ് ഡെസ്ക്
ടാമ്പാ: സെൻട്രൽ ഫ്ലോറിഡയിലെ പ്രമുഖ മലയാളി സംഘടനയായ മലയാളി അസോസിയേഷൻ ഓഫ് സെൻട്രൽ ഫ്ലോറിഡ (MACF) 2026 വർഷത്തെ ഔദ്യോഗിക ഉദ്ഘാടനം ‘വസന്തോത്സവം 26’ എന്ന പേരിൽ മെയ് 9-ന് ആഘോഷപൂർവം സംഘടിപ്പിക്കുന്നു. മലയാള സിനിമയിലെ പ്രശസ്ത സംഗീത സംവിധായകനും വയലിനിസ്റ്റുമായ ഔസേപ്പച്ചൻ മുഖ്യ അതിഥിയായി എത്തുന്നു.
പരിപാടി വിവരങ്ങൾ
തീയതി: മെയ് 9, 2026 (ശനിയാഴ്ച)
സമയം: വൈകുന്നേരം 5:00 PM മുതൽ
സ്ഥലം: ക്നാനായ കമ്മ്യൂണിറ്റി സെന്റർ2620 Washington Rd, Valrico, FL 33594
പ്രവേശനം: സൗജന്യം
കേരള ഫുഡ് ഫെസ്റ്റിവൽ: നാടൻ വിഭവങ്ങളുടെ തനതായ തട്ടുകട. മുപ്പത്തിയഞ്ചോളം പരമ്പരാഗത കേരളീയ വിഭവങ്ങൾ ആസ്വദിക്കാനുള്ള അവസരം. പുട്ട്-കടല, അപ്പം-സ്റ്റു, പായസം, ചായ-പഴം മുതൽ നാടൻ സദ്യ വരെ — കേരളത്തിന്റെ രുചി ടാമ്പയിൽ!
ഫാഷൻ ഫേസ്-ഓഫ് : മുതിർന്നവർക്കും കുട്ടികൾക്കുമായി ‘ബാറ്റിൽ ഓഫ് ദ ലുക്സ്’ എന്ന പേരിൽ പ്രത്യേക ഫാഷൻ ഷോ. പരമ്പരാഗത കേരളീയ വസ്ത്രങ്ങളും ആധുനിക ശൈലികളും ഒരുമിച്ച് കാണാൻ.
നൃത്ത പ്രകടനങ്ങൾ :ടാമ്പയിലെ കലാപ്രതിഭകൾ അണിനിരക്കുന്ന ആകർഷകമായ നൃത്ത പ്രകടനങ്ങൾ. ക്ലാസിക്കൽ, ഫോക്ക്, സമകാലിക നൃത്തങ്ങളുടെ സമ്മേളനം.
2026 വർഷത്തെ MACF പ്രവർത്തനങ്ങൾക്ക് നേതൃത്വം നൽകുന്നത് വിവിധ കമ്മിറ്റികളാണ്. വിമൻസ് ഫോറം, ആർട്സ് ആൻഡ് എന്റർടൈൻമെന്റ് കമ്മിറ്റി, എഡ്യൂക്കേഷൻ ആൻഡ് എംപവർമെന്റ് കമ്മിറ്റി, സ്പോർട്സ് കമ്മിറ്റി എന്നീ കമ്മിറ്റികളുടെ സജീവ പങ്കാളിത്തത്തോടെയാണ് വസന്തോത്സവം ഒരുക്കുന്നത്.
കേരളത്തിന്റെ സാംസ്കാരിക കേന്ദ്രം അമേരിക്കയിലെ കേരളമെന്ന് അറിയപ്പെടുന്ന ഫ്ലോറിഡയിൽ കേരളത്തനിമ നിലനിർത്തുന്ന കലാ സാംസ്കാരിക കേന്ദ്രമായി MACF പ്രവർത്തിച്ചു വരുന്നു. കേരളീയ പാരമ്പര്യങ്ങളും ആധുനിക സമീപനങ്ങളും സമന്വയിപ്പിച്ചുകൊണ്ട് ടാമ്പയിലെയും പരിസര പ്രദേശങ്ങളിലെയും മലയാളി സമൂഹത്തെ ഒരുമിപ്പിക്കുന്ന വേദിയാണ് MACF. ടാമ്പയിലെയും പരിസര പ്രദേശങ്ങളിലെയും എല്ലാ മലയാളി കുടുംബങ്ങളെയും MACF ഭാരവാഹികൾ ഈ വസന്തോത്സവത്തിലേക്ക് ഹൃദയപൂർവം സ്വാഗതം ചെയ്തു.
കൂടുതൽ വിവരങ്ങൾക്ക്:
വെബ്സൈറ്റ്: http://www.macftampa.com
Facebook: http://facebook.com/MacfTampa
Tampa MACF ‘Vasanthotsavam 26’ on May 9; Ouseppachan arrives as chief guest, a grand gathering celebrating Kerala tradition and culture
