സി പി ഐ സംസ്ഥാന സമ്മേളനത്തിന് ആലപ്പുഴയിൽ തുടക്കമായി, 528 പ്രതിനിധികള്‍ പങ്കെടുക്കും

ആലപ്പുഴ: സി.പി.ഐ സംസ്ഥാന സമ്മേളനത്തിന് ഇന്ന് ആലപ്പുഴയില്‍ തുടക്കം. രാവിലെ വലിയ ചുടുകാട്ടില്‍ നിന്ന് പാര്‍ട്ടി ശതാബ്ദി ആഘോഷത്തെ സ്മരിച്ച് 100 വനിത അത്‌ലറ്റുകള്‍ ദീപശിഖ, സമ്മേളന സ്ഥലമായ കളര്‍കോട് എസ് കെ കണ്‍വെന്‍ഷന്‍ സെന്ററില്‍ എത്തിക്കും, സംസ്ഥാന സെക്രട്ടറി ബിനോയ് വിശ്വം ദീപശിഖ ഏറ്റുവാങ്ങും.  രാവിലെ 11മണിക്ക് പ്രതിനിധി സമ്മേളനം പാർട്ടി ജനറൽ സെക്രട്ടറി ഡി രാജ ഉദ്ഘാടനം ചെയ്യും.

43 വർഷത്തിന് ശേഷമാണ് ആലപ്പുഴ പാർട്ടി സമ്മേളനത്തിന് വേദിയാകുന്നത്. 528 പ്രതിനിധികള്‍ സമ്മേളനത്തില്‍ പങ്കെടുക്കും. ഇതില്‍ 39 പേര്‍ പ്രത്യേക ക്ഷണിതാക്കളാണ്. വൈകിട്ട് അഞ്ചിന് നടക്കുന്ന സെമിനാര്‍ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക. സംസ്ഥാന നേതൃത്വത്തിനെതിരായ വിമർശനങ്ങളും സർക്കാരിൻറെ വിലയിരുത്തലും സമ്മേളനത്തിൽ ഉണ്ടാകും.  

മൂന്നുദിവസം നീണ്ടുനില്‍ക്കുന്ന സമ്മേളനം 12ന് സമാപിക്കും. സമാപന ദിവസം വൈകിട്ട് മൂന്നിന് നാല്‍പ്പാലം കേന്ദ്രീകരിച്ച് വോളണ്ടിയര്‍ പരേഡ് ആരംഭിക്കും.

More Stories from this section

family-dental
witywide