2026-ലെ സാഹിത്യത്തിനുള്ള നൊബേൽ സമ്മാനം കനേഡിയൻ എഴുത്തുകാരിയായ ആൻ കഴ്സണ് ലഭിച്ചു. സ്വീഡിഷ് അക്കാദമിയാണ് പുരസ്കാരം പ്രഖ്യാപിച്ചത്. സാഹിത്യത്തിലെ ക്ലാസിക്കൽ പാരമ്പര്യവുമായി രസകരമായ സംവാദത്തിലേർപ്പെട്ടുകൊണ്ട് സമകാലിക സാഹിത്യത്തിന് പുതിയ മാനങ്ങൾ സംഭാവന ചെയ്ത ധീരവും നൂതനവുമായ കൃതികളെ മാനിച്ചാണ് പുരസ്കാരം നൽകിയതെന്ന് അക്കാദമി വ്യക്തമാക്കി. ഈ നേട്ടം കാനഡയ്ക്ക് ഏറെ അഭിമാനകരമായ നിമിഷമായി മാറി.
എഴുപത്തിയാറുകാരിയായ ആൻ പട്രീഷ്യ കഴ്‌സൺ കവി, പണ്ഡിത, വിവർത്തക, ക്ലാസിസിസ്റ്റ്, പ്രൊഫസർ, ഉപന്യാസക തുടങ്ങിയ മേഖലകളിൽ മികവ് തെളിയിച്ച കനേഡിയൻ സാഹിത്യത്തിലെ ബഹുമുഖ പ്രതിഭയാണ്. ‘ടൊറന്റോ യൂണിവേഴ്‌സിറ്റി പ്രൊഡക്ട്’ എന്ന് സമകാലികർ തമാശയോടെ വിശേഷിപ്പിക്കുന്ന ഇവർ, ലോകക്ലാസിക്കുകളും താരതമ്യപഠനവും സർഗാത്മകസാഹിത്യവുമായി അമേരിക്കൻ യൂണിവേഴ്‌സിറ്റികളിൽ നിരന്തരം സാന്നിധ്യമറിയിച്ചു പോരുന്നു.
ഇരുപതിലധികം പുസ്തകങ്ങൾ രചിച്ചിട്ടുള്ള ആൻ കഴ്സണ്, കനേഡിയൻ സാഹിത്യത്തിന് നൽകിയ അതുല്യമായ സംഭാവനകൾ പരിഗണിച്ച് സർക്കാരിന്റെ മെമ്പർ ഓഫ് ഓർഡർ ഓഫ് കാനഡ ബഹുമതി നൽകി നേരത്തെ ആദരിച്ചിട്ടുണ്ട്.
Nobel Prize in Literature awarded to Canadian author Anne Carson
