ജോസ് മണക്കാട്ട്
ഷിക്കാഗോ: 19-ാമത് എന്.കെ. ലൂക്കോസ് വോളിബോള് ടൂര്ണമന്റിന്റെ അഡൈ്വസറി ചെയേഴ്സായി പീറ്റര് കുളങ്ങരയെയും സിറിയക് കൂവക്കാട്ടിനെയും തെരഞ്ഞെടുത്തു. സെപ്റ്റംബര് 5-ാം തീയതി ബെന്സന് വില്ലയിലെ എനര്ജി സ്പോര്ട്സ് ക്ലബ്ബില് വച്ച് നടത്തപ്പെടുന്ന എന്.കെ. ലൂക്കോസ് മെമ്മോറിയല് നാഷണല് വോളിബോള് ടൂര്ണമെന്റിന്റെ നല്ല നടത്തിപ്പിനായി മാര്ഗ്ഗനിര്ദ്ദേശങ്ങള് നല്കുന്നത് ഈ അഡൈ്വസറി കമ്മിറ്റിയായിരിക്കും.
2004 ല് ഷിക്കാഗോയില് വച്ച് തുടക്കം കുറിച്ച എന്.കെ. ലൂക്കോസ് മെമ്മോറിയല് നാഷണല് വോളിബോള് ടൂര്ണമെന്റിന്റെ നാളിതു വരെ നടന്ന എല്ലാ ടൂര്ണമെന്റുകളിലും സുപ്രധാന പങ്കു വഹിച്ചവരാണ് ഇരുവരും. നോര്ത്ത് അമേരിക്കന് മലയാളി വോളിബോള് ലോകത്ത് വ്യക്തിമുദ്ര പതിപ്പിച്ച ഇവരുടെ കീഴില് ടൂര്ണമെന്റ് ചെയര്മാനായി ജിനു പുന്നശ്ശേരിയും ജനറല് കണ്വീനറായി മാത്യു തട്ടാമറ്റവും പ്രവര്ത്തനം ആരംഭിച്ചിരിക്കുകയാണ്. നോര്ത്ത് അമേരിക്കയിലെ വോളിബോള് കായികപ്രേമികളെ സെപ്റ്റംബര് 5-ാം തീയതി നടക്കുന്ന ഈ ടൂര്ണമെന്റിലേക്ക് സംഘാടകസമിതി സ്വാഗതം ചെയ്യുന്നു.
