ഇസ്ലാമാബാദ്: പാകിസ്ഥാന് വ്യോമസേനയുടെ പരിശീലന കേന്ദ്രത്തിനു നേര്ക്ക് ഭീകരാക്രമണം നടന്നതായി പാക് സേന അറിയിച്ചു. പഞ്ചാബ് പ്രവിശ്യയിലെ മന്വാല് ട്രെയിനിങ് ബേസിനു നേരെയാണ് ഇന്നു പുലര്ച്ചെ ആക്രമണമുണ്ടായത്. ആക്രമണത്തില് മൂന്ന് വിമാനങ്ങള്ക്കു കേടു പറ്റി. നിര്ത്തിയിട്ടിരുന്ന മൂന്നു വിമാനങ്ങള്ക്കാണ് കേടു പറ്റിയത്. ഒരു ഇന്ധന ടാങ്കിനും ആക്രമണത്തില് കേടു പറ്റി.
അതേസമയം മൂന്നു ഭീകരരെ സൈന്യം വധിച്ചുവെന്നും മൂന്നു പേരെ പിടികൂടിയെന്നും സൈന്യം വാര്ത്താക്കുറിപ്പില് അറിയിച്ചു. ഭീകരരുടെ നീക്കത്തെ സേന ചെറുത്തു തോല്പ്പിച്ചുവെനന്നും ഭീകരപ്രവര്ത്തനം പാകിസ്ഥാന്റെ മണ്ണില്നിന്നു തുടച്ചുനീക്കുമെന്നും പാക് സേന വാര്ത്താക്കുറിപ്പില് പറഞ്ഞു. ആക്രമണത്തിന്റെ പശ്ചാത്തലത്തില് സേന ജാഗ്രത ശക്തമാക്കിയിട്ടുണ്ട്.
