പി പി ചെറിയാൻ
യുഎസ് സെനറ്റിലെ റിപ്പബ്ലിക്കൻ കക്ഷിനേതാവായി സൗത്ത് ഡക്കോട്ടയിൽനിന്നുള്ള സെനറ്റർ ജോൺ തൂൻ തിരഞ്ഞെടുക്കപ്പെട്ടു. മിച്ച് മക്കോണലിന്റെ പിൻഗാമിയായാണ് ജോൺ തൂൻ തിരഞ്ഞെടുക്കപ്പെട്ടത്. ബുധനാഴ്ചയായിരുന്നു വോട്ടെടുപ്പ് നടന്നത്. മത്സരരംഗത്തുണ്ടായിരുന്ന റിക്ക് സ്കോട്ട് രഹസ്യവോട്ടെടുപ്പിന്റെ ഒന്നാം റൗണ്ടിൽത്തന്നെ പുറത്തായി. ടെക്സസ് സെനറ്റർ ജോൺ കോർണിനെയും ജോൺ തൂൻ പരാജയപ്പെടുത്തി. നൂറംഗ സെനറ്റിൽ 52 സീറ്റുമായി റിപ്പബ്ലിക്കൻ പാർട്ടിക്കാണു ഭൂരിപക്ഷം.
തൂൻ മിതവാദിയായ റിപ്പബ്ലിക്കൻ ജനപ്രതിനിധിയായിരുന്നു, എന്നാൽ കഴിഞ്ഞ കുറച്ച് മാസങ്ങളായി ട്രംപുമായി നല്ല ബന്ധം വികസിപ്പിച്ചെടുത്തിട്ടുണ്ട്.
വരാനിരിക്കുന്ന ഭരണകൂടത്തിൻ്റെ അജണ്ടയെയും നിയമനങ്ങളെയും പിന്തുണയ്ക്കുമെന്ന് തുൻ റിപ്പബ്ലിക്കൻ സമ്മേളനത്തിൽ വ്യക്തമാക്കി.
ട്രംപിൻ്റെ അനുയായികൾ റിക് സ്കോട്ടിനെ പിന്തുണച്ചിരുന്നെങ്കിലും, സ്കോട്ട് വിജയിക്കാതിരിക്കാനുള്ള സാധ്യത കണക്കിലെടുത്ത് അദ്ദേഹത്തെ പരസ്യമായി അംഗീകരിക്കുന്നതിൽ നിന്ന് ട്രംപ് തന്നെ വിട്ടുനിന്നു.
തൂനിൻ്റെ വിജയം ട്രംപിൻ്റെ മേക്ക് അമേരിക്ക ഗ്രേറ്റ് എഗെയ്ൻ പ്രസ്ഥാനത്തിനുള്ള ഭാഗിക തിരിച്ചടിയാണ് എന്ന് വിലയിരുത്തന്നവരുണ്ട്.
John Thune is the new Republican senate leader
