ന്യൂഡല്ഹി : അന്താരാഷ്ട്ര ലഹരിക്കടത്ത് സംഘങ്ങള്ക്കെതിരെ നടപടി കടുപ്പിച്ച് രാജ്യം. രാജ്യത്ത് വിവിധ ഇടങ്ങളിലായി ഇന്നലെ നടന്നത് 163 കോടിയുടെ ലഹരി വേട്ട.
ഗുവാഹത്തി, ഇംഫാല് സോണുകളില് നിന്ന് 88 കോടി രൂപയുടെ മെറ്റാംഫെറ്റാമൈന് ഗുളികകളുടെ വന് ശേഖരം നാര്ക്കോട്ടിക്സ് കണ്ട്രോള് ബ്യൂറോ പിടികൂടി.
അന്താരാഷ്ട്ര ലഹരിക്കടത്ത് സംഘങ്ങള്ക്കെതിരെ നടപടി കടുപ്പിക്കുന്നതിന്റെ ഭാഗമായിട്ടാണ് രാജ്യത്തെ വിവിധയിടങ്ങളില് പൊലീസ് അടക്കം ഏജന്സികള് ലഹരിവേട്ട സജീവമാക്കിയിരിക്കുന്നത്.
ലഹരിവേട്ടയ്ക്കു പിന്നാലെ ലഹരിമുക്ത ഭാരതമെന്ന കേന്ദ്രസര്ക്കാര് നടപടിക്ക് ശക്തിപകരുന്ന നടപടിയെന്ന് വ്യക്തമാക്കിയ കേന്ദആഭ്യന്തരമന്ത്രി അമിത് ഷാ നാര്ക്കോട്ടിക്സ് കണ്ട്രോള് ബ്യൂറോ സംഘത്തെ അഭിനന്ദിക്കുകയും ചെയ്തു.
Tags:
