തിരുവനന്തപുരം: നെയ്യാറ്റിന്കരയില് മക്കള് അച്ഛനെ സമാധിയിരുത്തിയ സംഭവത്തില് കല്ലറ തുറന്ന് പുറത്തെടുത്ത ഗോപന്റെ പോസ്റ്റുമോര്ട്ടം റിപ്പോര്ട്ട് പുറത്ത്. ഹൃദയ വാല്വില് രണ്ട് ബ്ലോക്കുണ്ടായിരുന്നുവെന്നും പ്രമേഹം ബാധിച്ച് കാലുകളില് മുറിവുണ്ടായിരുന്നുവെന്നും റിപ്പോര്ട്ടില് പറയുന്നു. അതേസമയം, മരണ കാരണം എന്താണെന്ന് വ്യക്തമാകണമെങ്കില് ആന്തരിക പരിശോധഫലം ലഭിക്കണമെന്ന് ഫോറന്സിക് ഡോക്ടര്മാര് വ്യക്തമാക്കി.
ഗോപന് സ്വാമിയുടെ മൃതദേഹത്തില് ക്ഷതങ്ങളോ മുറിവുകളോ ഇല്ലെന്നാണ് ഫോറന്സിക് സംഘം ആദ്യമേ വ്യക്തമാക്കിയിരുന്നു.
ദുരൂഹ കല്ലറ തുറക്കുമ്പോള് നെഞ്ചിന്റെ ഭാഗം വരെ പൂജാദ്രവ്യങ്ങള് നിറച്ച നിലയിലായിരുന്നു മൃതദേഹം. തുടര്ന്ന് നടത്തിയ ഇന്ക്വിസ്റ്റ് നടപടികളിലും പോസ്റ്റ് മോര്ട്ടത്തിലും അസ്വാഭാവികമായി ഒന്നും കണ്ടെത്താന് സാധിച്ചില്ലെന്നാണ് പൊലീസ് പറഞ്ഞത്.
