ന്യൂയോർക്ക്: ഫെഡറൽ റിസർവ് ബാങ്ക് ഓഫ് ന്യൂയോർക്കിന്റെ ഡയറക്ടർ ബോർഡിലേക്ക് ഐബിഎം (IBM) ചെയർമാനും സിഇഒയുമായ അരവിന്ദ് കൃഷ്ണ വീണ്ടും തിരഞ്ഞെടുക്കപ്പെട്ടു. 2029 ഡിസംബർ 31 വരെയുള്ള മൂന്ന് വർഷത്തേക്കാണ് പുതിയ നിയമനം. പൊതുജനങ്ങളെ പ്രതിനിധീകരിക്കുന്ന ‘ക്ലാസ് ബി’ ഡയറക്ടറായാണ് അദ്ദേഹം തുടരുക. സെക്കൻഡ് ഫെഡറൽ റിസർവ് ഡിസ്ട്രിക്റ്റിലെ ചെറുകിട ബാങ്കുകളുടെ കൂട്ടായ്മയായ ‘ഗ്രൂപ്പ് 3’ അംഗങ്ങളാണ് അദ്ദേഹത്തെ തിരഞ്ഞെടുത്തത്.
2022 മുതൽ ബോർഡിൽ അംഗമായ അരവിന്ദ് കൃഷ്ണ, 2023-ലും വീണ്ടും തിരഞ്ഞെടുക്കപ്പെട്ടിരുന്നു. ഐഐടി കാൺപൂർ പൂർവ്വ വിദ്യാർത്ഥിയായ അദ്ദേഹം 2020 ഏപ്രിലിലാണ് ഐബിഎമ്മിന്റെ സിഇഒ ആയത്. വാണിജ്യം, വ്യവസായം, തൊഴിൽ, ഉപഭോക്തൃ താൽപ്പര്യങ്ങൾ എന്നിവയ്ക്ക് പ്രാധാന്യം നൽകിക്കൊണ്ട് സെൻട്രൽ ബാങ്കിന് പുറത്തുനിന്നുള്ള സാമ്പത്തിക കാഴ്ചപ്പാടുകൾ ബോർഡിൽ എത്തിക്കാൻ അദ്ദേഹത്തിന്റെ സാന്നിധ്യം സഹായിക്കും.
IBM CEO Arvind Krishna has been re-elected to the New York Federal Reserve Board.














