വാഷിംഗ്ടൺ: ലൈംഗിക അതിക്രമ ആരോപണങ്ങളെത്തുടർന്ന് ഡെമോക്രാറ്റിക് പാർട്ടി നേതാവും കാലിഫോർണിയയിൽ നിന്നുള്ള ജനപ്രതിനിധിയുമായ എറിക് സ്വാൽവെൽ യുഎസ് കോൺഗ്രസിൽ നിന്ന് രാജിവെക്കുന്നു. ഇന്നലെയാണ് അദ്ദേഹം തൻ്റെ രാജി തീരുമാനം ഔദ്യോഗികമായി പ്രഖ്യാപിച്ചത്.
ഒന്നിലധികം സ്ത്രീകൾ സ്വാൽവെല്ലിനെതിരെ ലൈംഗിക പീഡന ആരോപണങ്ങളുമായി രംഗത്തെത്തിയിരുന്നു. തനിക്കെതിരെയുള്ള ആരോപണങ്ങൾ അദ്ദേഹം നിഷേധിച്ചെങ്കിലും, തൻ്റെ പെരുമാറ്റത്തിലുണ്ടായ വീഴ്ചകൾക്ക് ഉത്തരവാദിത്തം ഏറ്റെടുക്കുന്നതായും കുടുംബത്തോടും വോട്ടർമാരോടും ക്ഷമ ചോദിക്കുന്നതായും അദ്ദേഹം പ്രസ്താവനയിൽ പറഞ്ഞു.
സഭയിൽ നിന്ന് അദ്ദേഹത്തെ പുറത്താക്കാനുള്ള നീക്കങ്ങൾ ശക്തമായ സാഹചര്യത്തിലാണ് ഈ പെട്ടെന്നുള്ള രാജി. നേരത്തെ കാലിഫോർണിയ ഗവർണർ സ്ഥാനത്തേക്ക് മത്സരിക്കാൻ അദ്ദേഹം തീരുമാനിച്ചിരുന്നെങ്കിലും വിവാദങ്ങളെത്തുടർന്ന് അതിൽ നിന്ന് പിന്മാറിയിരുന്നു. സ്വാൽവെല്ലിന് പുറമെ, സമാനമായ ആരോപണങ്ങൾ നേരിടുന്ന റിപ്പബ്ലിക്കൻ പാർട്ടി പ്രതിനിധി ടോണി ഗോൺസാലസും രാജി പ്രഖ്യാപിച്ചിട്ടുണ്ട്.
Sex allegations: US Congressman Eric Swalwell resigns
