വാഷിംഗ്ടൺ: സൗത്ത് ടെക്സസിൽ മറ്റൊരു 20 മൈൽ തടയണയുടെ നിർമ്മാണം വേഗത്തിലാക്കേണ്ടത് “നിശിതമായതും അടിയന്തിരവുമായ ആവശ്യം” ആണെന്ന് യുഎസ് സുരക്ഷാ മേധാവി പറയുമ്പോഴും അതിർത്തി മതിലുകൾ താൻ വിശ്വസിക്കുന്നില്ലെന്ന് ആവർത്തിച്ച് യുഎസ് പ്രസിഡന്റ് ജോ ബൈഡൻ.
അധികാരമേറ്റതിനു പിന്നാലെ ബൈഡൻ നിർത്തിവച്ച ഇത്തരത്തിലുള്ള ഒരു നിർമാണം പുനരാരംഭിക്കാനുള്ള നീക്കം ഡെമോക്രാറ്റുകൾക്കിടയിലും പരിസ്ഥിതിവാദികൾക്കിടയിലും മുറുമുറുപ്പിന് കാരണമായി. അനധികൃതമായി അതിർത്തി നുഴയുന്നതിന്റെ പേരിൽ വിമർശനങ്ങൾ ഉന്നയിക്കുന്ന റിപ്പബ്ലിക്കൻ പാർട്ടിയും ഇതിനെ പിന്തുണച്ചില്ല. മതിലുകളിൽ താൻ വിശ്വസിക്കുന്നില്ലെന്ന ബൈഡന്റെ വാദത്തെ സമർഥിക്കാൻ വൈറ്റ് ഹൗസ് പാടുപെട്ടു.
“ഇത് ഫലപ്രദമാണെന്ന് അദ്ദേഹം കരുതുന്നില്ല,” പ്രസ് സെക്രട്ടറി കരീൻ ജീൻ-പിയറി പറഞ്ഞു. എന്നാൽ, “ഇത് ഞങ്ങൾ നിയമപ്രകാരം ചെയ്യേണ്ട കാര്യമാണ്, ഞങ്ങൾ അത് പാലിക്കുന്നു.” മതിൽ നിർമ്മാണത്തിനായി സമർപ്പിച്ചിരിക്കുന്ന കോൺഗ്രസിൽ നിന്നുള്ള 2019 ലെ ഫണ്ടിംഗ് വിഹിതം ഉദ്ധരിച്ച് കൂട്ടിച്ചേർത്തു.
