ഫോണുകളിലെ സന്ദേശ അയക്കുന്ന ആപ്പുകളുടെ ക്രമീകരണങ്ങൾ മാറ്റണമെന്ന മുന്നറിയിപ്പ് നൽകി ദേശീയ സുരക്ഷാ ഏജൻസി. ലളിതമായ തെറ്റുകൾ നിങ്ങളുടെ ഫോണിനെ ആക്രമണത്തിന് തുറന്നുകൊടുക്കുമെന്ന് ദശലക്ഷക്കണക്കിന് ഐ ഫോൺ, ആൻഡ്രോയിഡ് ഉപഭേക്താക്കൾക്ക് ഏജൻസി മുന്നറിയിപ്പ് നൽകി. ഒരു മാധ്യമപ്രവർത്തകനെ ഒരു സെൻസിറ്റീവ് ഗ്രൂപ്പ് ചാറ്റിലേക്ക് ക്ഷണിച്ചതിനെത്തുടർന്നുണ്ടായ വിവാദമാണ് ഈ മുന്നറിയിപ്പിന് കാരണം.
റഷ്യയുടെ ജിആർയു യുക്രേനിയൻ ഉദ്യോഗസ്ഥരെ അവരുടെ സിഗ്നൽ അക്കൗണ്ടുകളിലേക്ക് പ്രവേശനം തുറക്കാൻ പ്രേരിപ്പിക്കുകയാണെന്ന കഴിഞ്ഞ മാസത്തെ എൻഎസ്എ മുന്നറിയിപ്പും ഇതിനൊപ്പം ചേർത്തുവായിക്കണം. പ്രധാനമായും രണ്ട് കാര്യങ്ങളിലാണ് ശ്രദ്ധ വേണ്ടത്, ലിങ്ക്ഡ് ഡിവൈസുകളും ഗ്രൂപ്പ് ലിങ്കുകളും. ആദ്യത്തേത് നിങ്ങളുടെ എല്ലാ അനുയോജ്യമായ ഉപകരണങ്ങളിലും നിങ്ങളുടെ സുരക്ഷിതമായ സന്ദേശമയയ്ക്കൽ ആപ്പുകൾ സമന്വയിപ്പിക്കാനും ആക്സസ് ചെയ്യാനും നിങ്ങളെ പ്രാപ്തമാക്കുന്നു. രണ്ടാമത്തേത്, ഗ്രൂപ്പിനുള്ളിൽ നിന്ന് ഓരോരുത്തരെയായി ചേർക്കുന്നതിനുപകരം, ഒരു ലിങ്ക് അയച്ചുകൊണ്ട് പുതിയ അംഗങ്ങളെ ഒരു ഗ്രൂപ്പ് ചാറ്റിലേക്ക് ക്ഷണിക്കാൻ ലളിതമായ മാർഗ്ഗം നൽകുന്നു.
ഗ്രൂപ്പ് ലിങ്ക് ഭീഷണി ഗ്രൂപ്പിന് മാത്രം ബാധകമാണ്, അത് എളുപ്പത്തിൽ ഒഴിവാക്കാവുന്നതുമാണ്. സിഗ്നലിൽ ഗ്രൂപ്പിന്റെ ക്രമീകരണങ്ങളിൽ നിന്ന് ഗ്രൂപ്പ് ലിങ്ക് പ്രവർത്തനരഹിതമാക്കുക. വാട്സ് ആപ്പിൽ നിങ്ങൾക്ക് ആ ഓപ്ഷൻ ലഭ്യമല്ല. എന്നാൽ സെൻസിറ്റീവ് ഗ്രൂപ്പുകൾക്ക് ലിങ്കുകൾ ഉപയോഗിക്കരുത്. വാട്സ്ആപ്പിലെ സെൻസിറ്റീവ് ഗ്രൂപ്പുകൾ അഡ്മിൻമാർക്ക് മാത്രം അംഗങ്ങളെ ചേർക്കാൻ കഴിയുന്ന തരത്തിൽ ക്രമീകരിക്കുകയും വേണം.
