അമേരിക്കയിലേക്കുള്ള ചൈനയുടെ കയറ്റുമതി മുൻ വർഷത്തെ അപേക്ഷിച്ച് മെയ് മാസത്തിൽ 35 ശതമാനം കുറഞ്ഞുവെന്ന് പുതിയ കസ്റ്റംസ് ഡാറ്റ. വാഷിംഗ്ടണുമായുള്ള പുതിയ വ്യാപാര ചർച്ചകൾ തിങ്കളാഴ്ച അവസാനം ലണ്ടനിൽ ആരംഭിക്കെ ലോകത്തിലെ രണ്ടാമത്തെ വലിയ സമ്പദ്വ്യവസ്ഥയായ ചൈനയുടെ സമ്മർദ്ദം വർദ്ധിപ്പിക്കുന്ന കണക്കുകളാണിത്.
ചൈനയുടെ മൊത്തം കയറ്റുമതി കഴിഞ്ഞ മാസം 4.8 ശതമാനം ഏപ്രിലിൽ ഇത് 8.1 ശതമാനവും വർദ്ധിച്ചിരുന്നു. മെയ് മാസത്തിൽ അമേരിക്കയിലേക്ക് 28.8 ബില്യൺ ഡോളർ കയറ്റുമതിയാണ് ചൈന ചെയ്തത്. എന്നാൽ കഴിഞ്ഞ വർഷം ഇത് 44 ബില്യൺ ഡോളറായിരുന്നു. യുഎസിൽ നിന്നുള്ള ഇറക്കുമതി 10.8 ബില്യൺ ഡോളറായി കുറഞ്ഞുവെന്നും റിപ്പോർട്ടിൽ പറയുന്നു.
തെക്കുകിഴക്കൻ ഏഷ്യയിലേക്കും യൂറോപ്യൻ യൂണിയനിലേക്കുമുള്ള ചൈനയുടെ കയറ്റുമതി തുടരുകയും തായ്ലൻഡ്, വിയറ്റ്നാം, ഇന്തോനേഷ്യ എന്നിവിടങ്ങളിലേക്കുള്ള കയറ്റുമതി കുത്തനെ ഉയരുകയും ചെയ്തു. ജർമ്മനിയിലേക്കുള്ള കയറ്റുമതി 12 ശതമാനത്തിൽ കൂടുതൽ വർദ്ധിച്ചു.
ട്രംപും ചൈനീസ് നേതാവ് ഷി ജിൻപിങ്ങും കഴിഞ്ഞ ആഴ്ച നടത്തിയ സംഭാഷണത്തെ തുടർന്ന് ലണ്ടനിൽ ചർച്ചകളുടെ ഒരു റൗണ്ട് നടക്കും. ചർച്ചകൾ എന്തെങ്കിലും കാര്യമായ പുരോഗതിയിലേക്ക് നയിക്കുമോ എന്ന് വ്യക്തമല്ല. ജനുവരി മുതൽ മെയ് വരെയുള്ള കാലയളവിൽ ചൈനയുടെ അപൂർവ എർത്ത് കയറ്റുമതിയുടെ മൂല്യത്തിൽ ഒരു വർഷം മുമ്പുള്ളതിനേക്കാൾ ഏകദേശം 21 ശതമാനം ഇടിവ് സംഭവിച്ചു എന്നാണ് തിങ്കളാഴ്ച പുറത്തിറക്കിയ വ്യാപാര ഡാറ്റ കാണിക്കുന്നത്.
ഷൂസ്, സെറാമിക്സ്, സെൽ ഫോണുകൾ തുടങ്ങിയ മറ്റ് ഉൽപ്പന്നങ്ങളുടെയും ചരക്കുകളുടെയും കയറ്റുമതിയിലും ഈ മാറ്റം കാണാൻ കഴിയും. ഡിമാൻഡ് കുറയുന്നത് വിപണിയിൽ വില കുറയാൻ കാരണമാണ്. തുടർച്ചയായ പണപ്പെരുപ്പം ഭക്ഷ്യവസ്തുക്കളുടെ വിലയിലെ ഇടിവിനെ പ്രതിഫലിപ്പിക്കുന്നതായും സാമ്പത്തിക വിദഗ്ധർ പറയുന്നു.
മറ്റ് സമ്പദ്വ്യവസ്ഥകളിലേക്കുള്ള കയറ്റുമതിയിലെ വർദ്ധനവ് വ്യാപാര യുദ്ധത്തിനിടയിലും കയറ്റുമതി മികച്ചതായി തുടരാൻ ചൈനയ്ക്ക് കഴിഞ്ഞുവെന്ന് ഐഎൻജി ഇക്കണോമിക്സിലെ ലിൻ സോംഗ് അഭിപ്രായപ്പെട്ടു.
വർഷത്തിന്റെ തുടക്കത്തിൽ തന്നെ പല ബിസിനസുകളും ഉയർന്ന താരിഫുകൾ മറികടക്കാൻ ശ്രമിക്കുന്നതിനായി ഓർഡറുകൾ തിടുക്കത്തിൽ നൽകിയിരുന്നു. പുതിയ ഇറക്കുമതി തീരുവകൾ പ്രാബല്യത്തിൽ വന്നതോടെ കയറ്റുമതി മന്ദഗതിയിലാവുകയും വർദ്ധിച്ചുവരുന്ന വ്യാപാര യുദ്ധത്തിൽ ചൈനയും യുഎസും പരസ്പരം ചുമത്തിയ മിക്ക താരിഫുകളും 90 ദിവസത്തേക്ക് നിർത്തിവച്ചതിനാൽ ജൂണിൽ കയറ്റുമതി ഒരു പരിധിവരെ തിരിച്ചുവരുമെന്ന് ക്യാപിറ്റൽ ഇക്കണോമിക്സിലെ സിചുൻ ഹുവാങ് ഒരു റിപ്പോർട്ടിൽ പറഞ്ഞു.
