വാഷിംഗ്ടണ് : ദേശീയ സുരക്ഷാ സാങ്കേതികവിദ്യയ്ക്കായി യുഎസ് വ്യാപാര രഹസ്യങ്ങള് മോഷ്ടിച്ചതായി ചൈനീസ് പൗരന്റെ വെളിപ്പെടുത്തല്. ദക്ഷിണ കാലിഫോര്ണിയയിലെ ഒരു കമ്പനിയില് എഞ്ചിനീയറായി മുമ്പ് ജോലി ചെയ്തിരുന്ന യുഎസ്-ചൈനീസ് ഇരട്ട പൗരത്വമുള്ള 59 കാരനായ ചെന്ഗുവാങ് ഗോങ് ആണ് കുറ്റസമ്മതം നടത്തിയിരിക്കുന്നത്.
ഗോങ് കുറ്റം സമ്മതിച്ചെങ്കിലും, ജസ്റ്റിസ് ഡിപ്പാര്ട്ട്മെന്റിന്റെ കണക്കനുസരിച്ച് 1.75 മില്യണ് ഡോളറിന്റെ ബോണ്ടില് അദ്ദേഹം സ്വതന്ത്രനായി തുടരുകയാണെന്നാണ് റിപ്പോര്ട്ട്. യുഎസ് ജില്ലാ ജഡ്ജി ജോണ് എഫ്. വാള്ട്ടര് സെപ്റ്റംബര് 29 ന് ഇയാള്ക്കുള്ള ശിക്ഷ വിധിക്കും. ഗോങ്ങിന് 10 വര്ഷം വരെ പരമാവധി തടവുശിക്ഷ ലഭിക്കുമെന്ന് പ്രോസിക്യൂട്ടര്മാര് പറഞ്ഞു.
ലോസ് ഏഞ്ചല്സ് ഏരിയയിലെ ഒരു ഗവേഷണ വികസന കമ്പനിയില് നിന്ന് 3,600 ലധികം ഫയലുകളാണ് ഇയാള് കൈമാറിയതെന്ന് ഫെഡറല് പ്രോസിക്യൂട്ടര്മാര് പറഞ്ഞു. ആണവ മിസൈല് വിക്ഷേപണങ്ങള് കണ്ടെത്തുന്നതിനും ബാലിസ്റ്റിക്, ഹൈപ്പര്സോണിക് മിസൈലുകള് ട്രാക്കുചെയ്യുന്നതിനുമുള്ള ബഹിരാകാശ അധിഷ്ഠിത സംവിധാനങ്ങളില് ഉപയോഗിക്കുന്നതിനായി രൂപകല്പ്പന ചെയ്തിരിക്കുന്ന അത്യാധുനിക ഇന്ഫ്രാറെഡ് സെന്സറുകള്ക്കായുള്ള ബ്ലൂപ്രിന്റുകളും ഗോങ് കൈമാറിയ ഫയലുകളില് ഉള്പ്പെടുന്നു.
