മിനസോട്ടയുടെ വിജയക്കുതിപ്പിന് തടയിട്ട് ഷിക്കാഗോ ബുൾസ്; 117–106ന് തകർപ്പൻ വിജയം

അനിൽ മറ്റത്തിക്കുന്നേൽ

ഷിക്കാഗോ: തുടർച്ചയായ അഞ്ചു മത്സരങ്ങളിൽ വിജയിച്ച മിനസോട്ട
ടിംബർവൂൾവ്സിന്റെ കുതിപ്പിന് വിരാമമിട്ട് ഷിക്കാഗോ ബുൾസ് സ്കോർ ( 117–106). ശനിയാഴ്ച
രാത്രി മിനിയാപൊളിസിലെ ടാർഗറ്റ് സെന്ററിൽ നടന്ന NBA മത്സരത്തിലാണ്
ബുൾസ് വിജയിച്ചത്.

നോർമൻ പവലിന്റെ 24 പോയിന്റ് പ്രകടനമാണ് ബുൾസിന്റെ വിജയത്തിൽ
നിർണായകമായത്. മാറ്റാസ് ബുസെലിസ് 18 പോയിന്റും ഒൻപത് റീബൗണ്ടുകളും നേടി.
ബഡ്ഡി ഹീൽഡും ട്രേ ജോൺസും 16 പോയിന്റ് വീതം നേടി

ആദ്യ ക്വാർട്ടറിൽ തന്നെ 29–17ന് മുന്നിലെത്തിയ ബുൾസ് മത്സരത്തിന്റെ
നിയന്ത്രണം ഏറ്റെടുത്തു. രണ്ടാം ക്വാർട്ടറിലും ലീഡ് നിലനിർത്തിയ
ഷിക്കാഗോ, മൂന്നാം ക്വാർട്ടറിൽ മിനസോട്ട ശക്തമായി തിരിച്ചുവന്നെങ്കിലും
അവസാന ക്വാർട്ടറിൽ വിജയം ഉറപ്പിച്ചു.

മിനസോട്ടയ്ക്കായി മുൻ ഷിക്കാഗോ ബുൾസ് താരം അയോ ഡോസുൻമു 24 പോയിന്റുമായി
മികച്ച പ്രകടനം നടത്തി. ലാമെലോ ബോൾ 19 പോയിന്റും ജേഡൻ മക്ഡാനിയൽസ് 18
പോയിന്റും നേടി.

വിജയത്തിന് മറ്റൊരു പ്രത്യേകത കൂടിയുണ്ട്. രാജ്യവ്യാപകമായി ഉണ്ടായ FAA
ഗ്രൗണ്ട് സ്റ്റോപ്പിനെത്തുടർന്ന് ഷിക്കാഗോ ബുൾസിന്റെ
മിനിയാപൊളിസിലേക്കുള്ള യാത്ര വൈകിയിരുന്നു. വെള്ളിയാഴ്ച അറ്റ്ലാന്റ
ഹോക്സിനെ പരാജയപ്പെടുത്തിയ ശേഷം ശനിയാഴ്ച മത്സരദിവസം മാത്രമാണ് ടീം
മിനസോട്ടയിലെത്തിയത്.

തിങ്കളാഴ്ച ക്ലീവ്‌ലാൻഡ് കവലിയേഴ്സിനെതിരെയാണ് ഷിക്കാഗോ ബുൾസിന്റെ അടുത്ത മത്സരം.

More Stories from this section

family-dental
witywide