തിരുവനന്തപുരം: തൻ്റെ വാഹനവ്യൂഹം തടയുകയും മോശമായി പെരുമാറുകയും ചെയ്ത മുൻ ഡിസിസി അംഗം ചേന്തി അനിലിനോട് ക്ഷമിച്ചതായി മുഖ്യമന്ത്രി വി.ഡി. സതീശൻ. ജയിൽ മോചിതനായ ശേഷം അനിൽ പരസ്യമായി മാപ്പ് ചോദിച്ച പശ്ചാത്തലത്തിലാണ് മുഖ്യമന്ത്രിയുടെ പ്രതികരണം. അനിൽ ക്ഷമ ചോദിച്ചപ്പോൾ അദ്ദേഹം വലുതാവുകയും താൻ ചെറുതാവുകയും ചെയ്തുവെന്നും, അതിനാൽ അദ്ദേഹത്തോട് വ്യക്തിപരമായി യാതൊരു വിരോധവുമില്ലെന്നും മുഖ്യമന്ത്രി വ്യക്തമാക്കി.
ചേന്തി ശ്രീനാരായണ സാംസ്കാരിക നിലയം ചാരിറ്റബിൾ സൊസൈറ്റിയുടെ നേതൃത്വത്തിലുള്ള പരിപാടിയിലേക്ക് മുഖ്യമന്ത്രിയെ സംഘാടകർ ക്ഷണിച്ചിരുന്നു. എന്നാൽ ചെമ്പഴന്തിയിലെ ഗുരുജയന്തി ആഘോഷത്തിൽ പങ്കെടുക്കേണ്ടതിനാൽ എത്താനാവില്ലെന്ന് മുഖ്യമന്ത്രിയുടെ ഓഫിസ് നേരത്തെ അറിയിച്ചിരുന്നു. ഇതിൽ പ്രതിഷേധിച്ച്, ചെമ്പഴന്തിയിലേക്കുള്ള യാത്രാമധ്യേ ചേന്തി അനിൽ മുഖ്യമന്ത്രിയുടെ വാഹനം തടഞ്ഞ് അദ്ദേഹത്തോട് കയർത്ത് സംസാരിക്കുകയും വഴി തടയാൻ ശ്രമിക്കുകയുമായിരുന്നു.
സംഭവത്തിൽ ഔദ്യോഗിക കൃത്യനിർവഹണം തടസ്സപ്പെടുത്തിയതിന് അനിലിനെതിരെ പൊലീസ് കേസെടുക്കുകയും കോടതി റിമാൻഡ് ചെയ്യുകയും ചെയ്തിരുന്നു. തുടർന്ന് ജാമ്യം ലഭിച്ച് ജയിൽ മോചിതനായ ശേഷമാണ് അനിൽ മുഖ്യമന്ത്രിയോട് പരസ്യമായി മാപ്പ് അപേക്ഷിച്ചത്. ഈ മാപ്പപേക്ഷ സ്വീകരിച്ചുകൊണ്ടാണ് മുഖ്യമന്ത്രി ഇപ്പോൾ വിവാദങ്ങൾക്ക് വിരാമമിട്ടിരിക്കുന്നത്.
Chief Minister V.D. Satheesan says he has no grudge against Chenti Anil.
