ഫൊക്കാന അസോസിയേറ്റ് സെക്രട്ടറി സ്‌ഥാനത്തേക്ക് ഡോ. ബ്രിജിറ്റ് ജോർജ് മത്സരിക്കുന്നു

ഫൊക്കാനയുടെ വരാനിരിക്കുന്ന തിരഞ്ഞെടുപ്പിൽ അസോസിയേറ്റ് സെക്രട്ടറി സ്ഥാനത്തേക്ക് ഡോ. ബ്രിജിറ്റ് ജോർജ് മത്സരിക്കുന്നു. ലീലാ മാറേറ്റും ടീമും നേതൃത്വം നൽകുന്ന ടീമിന്റെ ഭാഗമായാണ് ഡോ. ബ്രിജിറ്റ് തന്റെ സ്ഥാനാർത്ഥിത്വം പ്രഖ്യാപിച്ചിരിക്കുന്നത്. ലീലാ മാറേറ്റും ടീമും നേതൃത്വം നൽകുന്ന ഈ ടീം, സാധാരണക്കാരുടെ ഹൃദയം കീഴടക്കി മുന്നേറുകയാണ്. അസോസിയേറ്റ് സെക്രട്ടറി സ്ഥഥാനാർത്ഥി ഡോ. ബ്രിജിറ്റ് ജോർജ് – ഒരു സവിശേഷ വ്യക്തിത്വം 2012-ൽ മലയാളി മങ്ക പട്ടം നേടിയത് ഡോ. ബ്രിജിറ്റ് ജോർജാണ്. അന്ന് ആ കിരീടം അവർക്ക് സമ്മാനിച്ചത് നിലവിലെ പ്രസിഡന്റ് സ്ഥാനാർത്ഥി ലീലാ മാറേറ്റായിരുന്നു എന്നത് ശ്രദ്ധേയമാണ്.

12 വർഷങ്ങൾക്ക് ശേഷം, വീണ്ടും ലീലാ മാറേറ്റോടൊപ്പം ചേർന്ന് സംഘടനയെ നയിക്കാൻ അവസരം ലഭിച്ചത് നിയോഗമായി അവർ കാണുന്നു. “എന്റെ മകളെപ്പോലെയാണ് ബ്രിജിറ്റ്; 12 വർഷം മുൻപ് കിരീടം ചൂടിച്ചപ്പോൾ തോന്നിയ അതേ സ്നേഹവും വിശ്വാസവും ഇപ്പോഴുമുണ്ട്, ഏറ്റവും അർഹയായ സ്ഥ‌ാനാർത്ഥിയാണ് ബ്രിജിറ്റ്,” എന്ന് ലീലാ മാറേറ്റ് വ്യക്തമാക്കുന്നു. യുവതലമുറയെ എല്ലാ മേഖലകളിലും പ്രോത്സാഹിപ്പിക്കുന്ന ലീലാ മാറേറ്റിന്റെ ദർശനം ബ്രിജിറ്റിലൂടെ കൂടുതൽ ശക്തമാകുന്നു.

സൗമ്യതയും ദൃഢനിശ്ചയവും ഒരുമിക്കുന്ന നേതൃത്വശൈലിയാണ് ഡോ. ബ്രിജിറ്റ് ജോർജിൻ്റെ ഏറ്റവും വലിയ പ്രത്യേകത. അമേരിക്കൻ മലയാളി സമൂഹത്തിന്റെ വിവിധ തലങ്ങളുമായി സ്വാഭാവികമായി ആശയവിനിമയം നടത്താനും, എല്ലാവരെയും ഒരേ വേദിയിൽ കൂട്ടിയിണക്കാനും കഴിയുന്ന വ്യക്തിത്വമാണ് അവരെ വേറിട്ടുനിർത്തുന്നത്. ടീമിന്റെ സൗകുമാര്യതയും പ്രവർത്തനക്ഷമതയും ഒരുപോലെ ഉയർത്തിപ്പിടിക്കുന്ന നേതൃത്വമാണ് അസോസിയേറ്റ് സെക്രട്ടറി എന്ന നിലയിൽ അവർ നൽകുമെന്ന് ടീമംഗങ്ങൾ വിശ്വസിക്കുന്നു.

പ്രവർത്തനമികവും നേട്ടങ്ങളും ; ഫൊക്കാന വിമൻസ് ഫോറം ചെയർപേഴ്സണായി (2022-2024) പ്രവർത്തിച്ചതാണ് ഡോ. ബ്രിജിറ്റിന്റെ ഏറ്റവും പ്രധാനപ്പെട്ട ഔദ്യോഗിക പദവി. വിമൻസ് ഫോറത്തിന്റെ ഉദ്ഘാടന ചടങ്ങിൽ പ്രഖ്യാപിച്ച പദ്ധതികൾ അവർ പൂർണ്ണമായും നടപ്പിലാക്കി. കേരളത്തിലെ 10 അർഹരായ നഴ്സിംഗ് വിദ്യാർത്ഥികൾക്ക് 1 ലക്ഷം രൂപ വീതം സ്കോളർഷിപ്പ് നൽകാൻ അവർക്ക് സാധിച്ചു. ഈ പദ്ധതി 2023 ഏപ്രിലിൽ നടന്ന ഫൊക്കാന കേരള കൺവൻഷനിൽ വെച്ച് നടപ്പിലാക്കി.

കോട്ടയത്തെ ‘ജ്യോതിസ് സ്പെഷ്യൽ സ്കൂ‌ൾ’ എന്ന ഭിന്നശേഷിക്കാരായ കുട്ടികൾക്കായുള്ള സ്‌ഥാപനത്തിന് ഫണ്ട് സമാഹരിക്കുകയും, അവിടെ ഒരു പുതിയ സെൻസറി ഇൻ്റഗ്രേഷൻ യൂണിറ്റ് വാങ്ങുന്നതിനായി മുഴുവൻ തുകയും കൈമാറുകയും ചെയ്‌തു. താൻ നൽകിയ വാഗ്ദ‌ാനങ്ങൾ ടീമുമായി ചേർന്ന് പ്രവർത്തിച്ച് കൃത്യമായി നടപ്പിലാക്കി എന്നതാണ് തന്റെ പ്രവർത്തനങ്ങളുടെ പ്രത്യേകതയെന്ന് ഡോ. ബ്രിജിറ്റ് പറയുന്നു.

ഫൊക്കാന എക്സിക്യൂട്ടീവ് കമ്മിറ്റി നടപ്പിലാക്കുന്ന ‘മെഡിക്കൽ ആൻഡ് പ്രിവിലേജ് കാർഡ്’ പദ്ധതി കൂടുതൽ ലളിതവും ജനകീയവുമാക്കുമെന്ന ഉറപ്പ് ഡോ. ബ്രിജിറ്റ് നൽകുന്നു. മെഡിക്കൽ രംഗത്തെ പരിചയം കൊണ്ട്, സാധാരണക്കാർക്ക് കൂടുതൽ പ്രയോജനം ലഭിക്കുന്ന രീതിയിൽ ഈ പദ്ധതിയെ വിപുലീകരിക്കും.

നേതൃത്വത്തിന്റെ വാക്കുകളിൽ; ജോർജ് ഓലിക്കൽ (ജനറൽ സെക്രട്ടറി സ്ഥാനാർത്ഥി): “അങ്ങേയറ്റം ആത്മവിശ്വാസമുള്ള വ്യക്‌തിയാണ് ബ്രിജിറ്റ്; ആരോഗ്യരംഗത്തെ അനുഭവപരിചയമുള്ളതിനാൽ പറയേണ്ടതിലപ്പുറം കാര്യങ്ങൾ മനസ്സിലാക്കാൻ അവർക്ക് സാധിക്കുന്നു; ലീലാ മാറേറ്റും സംഘവും ചേർന്നൊരുക്കിയ ഈ പൂർണ്ണ ടീം ഫൊക്കാനയ്ക്ക് വലിയ മുതൽക്കൂട്ടാണ്.”

രേവതി പിള്ള (ട്രഷറർ സ്‌ഥാനാർത്ഥി): “ബ്രിജിറ്റിൽ എനിക്ക് വലിയ വിശ്വാസമുണ്ട്; ഗവേഷണ ബിരുദവും മികച്ച നെറ്റ്വർക്കിംഗും തന്ത്രങ്ങളും ഉള്ള ബ്രിജിറ്റിന്റെ സാന്നിധ്യം ഫൊക്കാനയുടെ പ്രവർത്തനങ്ങളെ കൂടുതൽ കരുത്തുറ്റതാക്കും.” ലീലാ മാറേറ്റും ടീമും നേതൃത്വം നൽകുന്ന ഈ ടീം, ഫൊക്കാനയെ ഒരു പുതിയ ഉയരത്തിലേക്ക് നയിക്കാൻ സജ്ജമാണ്. വോട്ടർമാർ തങ്ങളുടെ ഉത്തരവാദിത്തം നിറവേറ്റി ശരിയായ സ്ഥാനാർത്ഥികളെ വിജയിപ്പിക്കണമെന്ന് ടീം അഭ്യർത്ഥിക്കുന്നു.

Dr. Brigit George is contesting for the post of FOKANA Associate Secretary.