ബ്രിസ്ബെയ്ന്: ഓസ്ട്രേലിയയിലെ ക്വീന്സ്ലന്ഡില് ഉണ്ടായ വാഹനാപകടത്തില് മലയാളി വിദ്യാര്ഥി ജൈഡന് ജോ സാനി മരിച്ചു. 17 വയസായിരുന്നു. ജൂലൈ 12ന് ക്വീന്സ്ലന്ഡിലെ ലാസീ ക്രീക്കില് ഉച്ചയ്ക്ക് 12.15-ഓടെയായിരുന്നു അപകടം. ജൈഡന് സഞ്ചരിച്ചിരുന്ന ഇലക്ട്രിക് ബൈക്ക് എതിര്ദിശയില് വന്ന കാറുമായി കൂട്ടിയിടിക്കുകയായിരുന്നു.
എയര് ആംബുലന്സില് ഗുരുതരമായി പരുക്കേറ്റ ജൈഡനെ റോയല് ബ്രിസ്ബെയ്ന് ആന്ഡ് വിമന്സ് ആശുപത്രിയില് എത്തിച്ചെങ്കിലും ചികിത്സയ്ക്കിടെ മരണത്തിന് കീഴടങ്ങുകയായിരുന്നു. അപകടത്തില് കാര് ഓടിച്ചിരുന്ന 55കാരന് പരുക്കേറ്റിട്ടില്ല. അപകടത്തില് ക്വീന്സ്ലന്ഡ് പൊലീസ് അന്വേഷണം ആരംഭിച്ചിട്ടുണ്ട്. മാതാപിതാക്കള്: ജോ സാനി, ട്രീസ സിജോ.
Malayali student dies in road accident in Australia.
