‘ദയവായി ഈ പദവി ഏറ്റെടുക്കൂ’; യുഎഫ്‌സി തലവൻ ഡാന വൈറ്റിന് വൈറ്റ് ഹൗസ് പ്രസ് സെക്രട്ടറി സ്ഥാനം ഓഫർ ചെയ്ത് ട്രംപ്, റിങ്ങിലെ വീരന്മാരെയും അസിസ്റ്റന്റുമാരാക്കാൻ നീക്കം

വാഷിംഗ്ടൺ: അൾട്ടിമേറ്റ് ഫൈറ്റിംഗ് ചാമ്പ്യൻഷിപ്പ് ചീഫ് എക്സിക്യൂട്ടീവ് ഡാന വൈറ്റിന് വൈറ്റ് ഹൗസ് പ്രസ് സെക്രട്ടറി സ്ഥാനം വാഗ്ദാനം ചെയ്ത് യു.എസ് പ്രസിഡന്റ് ഡോണൾഡ് ട്രംപ്. തർക്കങ്ങൾക്കൊടുവിൽ കാറ്റി സക്കറിയ പദവി ഒഴിഞ്ഞ പശ്ചാത്തലത്തിലാണ് ട്രംപിന്റെ പുതിയ നീക്കം. ഈ പദവി ഏറ്റെടുക്കാൻ ഡാന വൈറ്റിനോട് ആവശ്യപ്പെട്ട പ്രസിഡന്റ്, പ്രമുഖ മിക്സഡ് മാർഷ്യൽ ആർട്സ് (MMA) പോരാളികളെ അദ്ദേഹത്തിന്റെ അസിസ്റ്റന്റുമാരായി ഒപ്പം കൂട്ടണമെന്നും നിർദ്ദേശിച്ചിട്ടുണ്ട്.

തന്റെ സോഷ്യൽ മീഡിയ പ്ലാറ്റ്‌ഫോമായ ‘ട്രൂത്ത് സോഷ്യലിൽ’ ശനിയാഴ്ച പങ്കുവെച്ച കുറിപ്പിലൂടെയാണ് ട്രംപ് ഈ പ്രഖ്യാപനം നടത്തിയത്. ഡാന വൈറ്റിനെ “ശക്തനായ പോരാളിയും യോദ്ധാവും” എന്ന് വിശേഷിപ്പിച്ച ട്രംപ്, വൈറ്റ് ഹൗസ് മാധ്യമ വിഭാഗത്തിന്റെ ചുമതല അദ്ദേഹം ഏറ്റെടുക്കണമെന്ന് അഭ്യർത്ഥിച്ചു.

ഇസ്‌ലാം മഖാച്ചേവ്, ഖബീബ് നൂർമാഗോമെദോവ്, ജസ്റ്റിൻ ഗാഥ്ജെ, ഡാനിയൽ കോർമിയർ, അമാൻഡ ന്യൂൺസ്, കെയ്‌ല ഹാരിസ് എന്നീ ആറ് പ്രമുഖ ഫൈറ്റർമാരെ അസിസ്റ്റന്റുമാരായി നിയമിക്കാനാണ് ട്രംപ് ആവശ്യപ്പെട്ടിരിക്കുന്നത്. ഇവർ മറ്റ് രാജ്യങ്ങളിൽ നിന്നുള്ളവരാണെങ്കിൽ പോലും ഒപ്പം കൂട്ടണമെന്നാണ് ട്രംപിന്റെ താല്പര്യം. ഭരണകൂടത്തിന്റെ വാർത്താവിനിമയ തന്ത്രങ്ങളിൽ ഡാന വൈറ്റ് തികച്ചും വ്യത്യസ്തമായ ഒരു സമീപനം കൊണ്ടുവരുമെന്നും അദ്ദേഹം കൂട്ടിച്ചേർത്തു.

ഇടക്കാല തെരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് നേരിട്ട തിരിച്ചടികൾക്ക് പിന്നാലെ വൈറ്റ് ഹൗസിലെ ഉന്നത പദവികളിൽ ട്രംപ് വരുത്തുന്ന വിപുലമായ പുനഃസംഘടനയുടെ ഭാഗമായാണ് ഈ നടപടി. കടുത്ത കുടിയേറ്റ നയങ്ങളുടെ ശില്പിയായ സ്റ്റീഫൻ മില്ലറെ വൈറ്റ് ഹൗസ് ചീഫ് ഓഫ് സ്റ്റാഫായി ട്രംപ് അടുത്തിടെ നിയമിച്ചിരുന്നു.

കഴിഞ്ഞ ഓഗസ്റ്റിൽ കാരോലിൻ ലീവിറ്റ് ഒഴിഞ്ഞതിനെത്തുടർന്നാണ് കാറ്റി സക്കറിയ പ്രസ് സെക്രട്ടറിയായി ചുമതലയേറ്റത്. എന്നാൽ കടുത്ത വിമർശനങ്ങൾ ഉയർന്ന, 15 മിനിറ്റിൽ താഴെ മാത്രം നീണ്ടുനിന്ന ആദ്യ വാർത്താസമ്മേളനത്തിന് പിന്നാലെ, വെറും അഞ്ച് ദിവസത്തെ സേവനത്തിനു ശേഷം ഒക്ടോബർ 16-ന് കാറ്റിയെ ഈ പദവിയിൽ നിന്ന് നീക്കുകയായിരുന്നു.

രണ്ട് പതിറ്റാണ്ടിലേറെയായി യു.എഫ്.സിയെ നയിക്കുന്ന ഡാന വൈറ്റും ഡൊണാൾഡ് ട്രംപും തമ്മിൽ ദീർഘകാലത്തെ അടുത്ത സൗഹൃദമുണ്ട്. അതേസമയം, ട്രംപിന്റെ ഈ ഓഫറിനോട് ഡാന വൈറ്റ് ഇതുവരെ ഔദ്യോഗികമായി പ്രതികരിച്ചിട്ടില്ല.

‘Please take on this role’; Trump offers White House Press Secretary position to UFC chief Dana White, as he looks to bring heroes from the ring into his administration.