അബുദാബി: യുഎസ്-ഇറാൻ യുദ്ധം പെട്ടെന്ന് ഒരു തീരുമാനത്തിലെത്താൻ സാധ്യതയില്ലെന്നും, മേഖലയിൽ ദീർഘകാലത്തേക്ക് അനിശ്ചിതത്വം തുടരുമെന്നും യുണൈറ്റഡ് അറബ് എമിറേറ്റ്സ്. അബുദാബി സ്ട്രാറ്റജിക് ഡിബേറ്റ് സമ്മേളനത്തിൽ സംസാരിക്കവെ യുഎഇ പ്രസിഡന്‍റിന്‍റെ നയതന്ത്ര ഉപദേഷ്ടാവ് ഡോ. അൻവർ ഗാർഗാഷാണ് ഇക്കാര്യം വ്യക്തമാക്കിയത്. യുഎഇ വിദേശകാര്യ മന്ത്രാലയം പുറത്തുവിട്ട പ്രസക്തമായ വിവരങ്ങളുടെ അടിസ്ഥാനത്തിലാണ് റിപ്പോർട്ട്.
തകർന്നുകൊണ്ടിരിക്കുന്ന സാമ്പത്തിക സ്ഥിതിയും അന്താരാഷ്ട്ര സമൂഹവുമായുള്ള ആണവ വിഷയങ്ങളിലെ തർക്കങ്ങളും കാരണം ഇറാൻ അതിന്റെ ചരിത്രത്തിലെ ഏറ്റവും വലിയ പ്രതിസന്ധികളിലൊരിലൂടെയാണ് കടന്നുപോകുന്നതെന്ന് ഗാർഗാഷ് വ്യക്തമാക്കി. ഈ സാഹചര്യത്തിൽ സമഗ്രമായൊരു രാഷ്ട്രീയ പരിഹാരം പെട്ടെന്ന് ഉണ്ടാകുക എന്നത് വളരെ ബുദ്ധിമുട്ടാണ്. യുദ്ധങ്ങൾ എളുപ്പത്തിൽ ആരംഭിക്കാമെങ്കിലും, അതിന്റെ പ്രത്യാഘാതങ്ങൾ ആരുടെയും കണക്കുകൂട്ടലുകൾക്ക് അപ്പുറത്തായിരിക്കുമെന്ന് യു.എ.ഇയുടെ തുടക്കം മുതലുള്ള നിലപാട് അദ്ദേഹം ആവർത്തിച്ചു.
അമേരിക്കൻ മിഡ്‌ടേം തിരഞ്ഞെടുപ്പ് ഫലങ്ങൾ വാഷിംഗ്ടണിന്റെ ഇറാൻ നയങ്ങളെ എങ്ങനെ സ്വാധീനിക്കുമെന്ന് വിലയിരുത്താൻ ഇനിയും സമയമായിട്ടുണ്ടെന്നും അദ്ദേഹം കൂട്ടിച്ചേർത്തു. ഗൾഫ് മേഖലയിൽ ശാന്തിയും സമാധാനവും നിലനിർത്തുന്നതിനായുള്ള നയതന്ത്ര ശ്രമങ്ങൾ യുഎഇ തുടരുമെന്നും അദ്ദേഹം വ്യക്തമാക്കി.
