“തുടങ്ങിയ ജോലി ഞങ്ങൾ പൂർത്തിയാക്കും, അത് ബുദ്ധിമുട്ടുള്ളതല്ല”; ഇറാനുമായുള്ള യുദ്ധത്തിൽ അമേരിക്കയ്ക്ക് വിജയമുറപ്പെന്ന് ട്രംപ്

വാഷിംഗ്ടൺ: ഇറാനുമായുള്ള യുദ്ധത്തിൽ അമേരിക്ക “ഏതെങ്കിലും ഒരു രീതിയിൽ” വിജയം കൈവരിക്കുമെന്ന് യു.എസ്. പ്രസിഡൻ്റ് ഡോണൾഡ് ട്രംപ് വ്യക്തമാക്കി. ഇറാൻ്റെ പരമോന്നത നേതാവിൻ്റെ ശവസംസ്കാര ചടങ്ങുകൾ ടെഹ്‌റാനിൽ നടക്കുന്നതിനിടയിലാണ് ട്രംപിൻ്റെ ഈ നിർണായക പ്രതികരണം.

വൈറ്റ് ഹൗസിലെ ഓവൽ ഓഫീസിൽ മാധ്യമപ്രവർത്തകരോട് സംസാരിക്കവെയാണ് ട്രംപ് യു.എസിൻ്റെ നിലപാട് വ്യക്തമാക്കിയത്. “നമ്മൾ ഒന്നുകിൽ അവരുമായി ഒരു കരാറിലെത്തും, അല്ലെങ്കിൽ തുടങ്ങിയ ജോലി പൂർത്തിയാക്കും. ആ ദൗത്യം പൂർത്തിയാക്കുക എന്നത് അമേരിക്കയെ സംബന്ധിച്ച് അത്ര ബുദ്ധിമുട്ടുള്ള കാര്യമായിരിക്കില്ല,” ട്രംപ് കൂട്ടിച്ചേർത്തു. ഇറാനുമേൽ നയതന്ത്രപരമായോ സൈനികപരമായോ ഉള്ള കടുത്ത സമ്മർദ്ദം തുടരുമെന്ന സൂചനയാണ് ട്രംപിൻ്റെ വാക്കുകൾ നൽകുന്നത്.

“We will finish the job we started, it won’t be difficult”; Trump says US confident of victory in war with Iran