ഇസ്രയേൽ – ഹമാസ് താല്ക്കാലിക വെടിനിര്ത്തല് അടുത്ത തിങ്കളാഴ്ചയോടെ സാധ്യമാകുമെന്ന് പ്രതീക്ഷിക്കുന്നതായി അമേരിക്കന് പ്രസിഡന്റ് ജോ ബൈഡന്. മാധ്യമങ്ങളുടെ ചോദ്യങ്ങള്ക്ക് ന്യൂയോര്ക്കില് മറുപടി പറയുകയായിരുന്നു ബൈഡന്.
ഗാസയിലെ ഇസ്രയേല് ആക്രമണങ്ങളില് പ്രതിഷേധിച്ച് വാഷിങ്ടണിലെ ഇസ്രയേല് എംബസിക്ക് മുന്നില് അമേരിക്കന് വ്യോമസേന ഉദ്യോഗസ്ഥൻ സ്വയം തീകൊളുത്തി മരിച്ച് മണിക്കൂറുകള്ക്കമായിരുന്നു ബൈഡന്റെ പ്രതികരണം. അമേരിക്കന് പ്രസിഡന്ഷ്യല് തിരഞ്ഞെടുപ്പിന് മത്സരിക്കുന്ന ബൈഡനെ സംബന്ധിച്ച് ഇസ്രേയല്-ഹമാസ് യുദ്ധം നീളുന്നത് അമേരിക്കയിലെ അറബ് വംശജർക്കിടയിൽ വലിയ അസംതൃപ്തി ഉണ്ടാക്കുന്നത് വലിയ പ്രശ്നമാണ്.
അതേസമയം പലസ്തീനിലെ പോരാട്ടം അവസാനിപ്പിക്കുന്നതിനും ഗാസയിലെ ഇസ്രയേല് ബന്ദികളെ വിട്ടയക്കുന്നതിനും ഈജിപ്ത്, ഖത്തര്, അമേരിക്ക, ഫ്രാന്സ് തുടങ്ങിയ രാജ്യങ്ങള് മധ്യസ്ഥരായി ചർച്ച നടത്തുയാണ്. ഇസ്രയേല് പിടിച്ചുവെച്ച പലസ്തീന് ബന്ദികളെ വിട്ടയക്കാന് ഈ രാജ്യങ്ങള് ആവശ്യപ്പെട്ടിട്ടുണ്ട്.
ആഴ്ചകളോളം നീണ്ടു നില്ക്കുന്ന താല്ക്കാലിക യുദ്ധ വിരാമം യുദ്ധം അവസാനിക്കാനുള്ള മാര്ഗമാകുമെന്നാണ് അമേരിക്കന് ഉദ്യേഗസ്ഥരുടെ പ്രതീക്ഷ. എന്നാല് താല്ക്കാലിക വെടിനിര്ത്തലിന് ശേഷവും യുദ്ധം തുടരുമെന്നാണ് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു ആവര്ത്തിക്കുന്നത്.
Gaza Ceasefire Could Happen By Monday says Joe biden
