ഗാസ സിറ്റി : വടക്കന് ഗാസ മുനമ്പിലെ ബെയ്റ്റ് ലാഹിയ നഗരത്തിലെ താമസക്കാരോട് അടിയന്തിരമായി ഒഴിയാന് ഇസ്രായേല് ഉത്തരവിട്ടു. പ്രദേശത്ത് പുതിയ ആക്രമണത്തിന് ആസൂത്രണം ചെയ്യുന്നുണ്ടെന്നും മുന്നറിയിപ്പ്.
നിങ്ങള് ഒരു അപകടകരമായ പോരാട്ട മേഖലയിലാണെന്നും എത്രയും വേഗം ഒഴിഞ്ഞുപോകണമെന്നുമാണ് ഇസ്രായേല് ഡിഫന്സ് ഫോഴ്സിന്റെ (ഐഡിഎഫ്) വക്താവ് അവിചയ് അദ്രായി ചൊവ്വാഴ്ച സോഷ്യല് മീഡിയ പ്ലാറ്റ്ഫോമായ എക്സില് എഴുതിയത്.
ചൊവ്വാഴ്ച ഗാസയില് നിന്ന് തെക്കന് ഇസ്രായേലിലെ ഒരു നഗരമായ സ്ഡെറോട്ടിലേക്ക് നാല് റോക്കറ്റുകള് തൊടുത്തുവിട്ടു, ഇത് വ്യോമാക്രമണ സൈറണുകള്ക്ക് കാരണമായെങ്കിലും പരിക്കുകളൊന്നും ഉണ്ടായില്ലെന്ന് ഇസ്രായേല് റെസ്ക്യൂ സര്വീസ് അറിയിച്ചു. റോക്കറ്റുകളില് വിക്ഷേപിച്ച ഇന്റര്സെപ്റ്റര് മിസൈലിന്റെ അവശിഷ്ടങ്ങള് കാരണം ഒരു ഗാരേജിന് തീപിടിച്ചതായി റിപ്പോര്ട്ടുണ്ടായിരുന്നു.
