വാഷിംഗ്ടണ് : കടുത്ത ട്രംപ് അനുകൂലിയായ വെടിയേറ്റ് കൊല്ലപ്പെട്ട ചാര്ലി കിര്ക്കിന്റെ ഭാര്യയെ വിവാഹം കഴിക്കാനായി വൈസ് പ്രസിഡന്റ് ജെഡി വാന്സ് തന്റെ ഹിന്ദു ഭാര്യ ഉഷയെ ഉപേക്ഷിക്കുമെന്ന വിവാദ അഭിപ്രായവുമായി ടിവി അവതാരക ജോയ് റീഡ്. ഉഷയെ ‘തവിട്ട് ഹിന്ദു ഭാര്യ’ എന്നും എറിക്കയെ ‘വെളുത്ത രാജ്ഞി’ എന്നും റീഡ് പരാമര്ശിക്കുകയും ചെയ്യുന്നത് ഇവരുടെ പോഡ്കാസ്റ്റ് വീഡിയോകളില് കാണാം. ഇതോടെ ഇവര്ക്കെതിരെ കടുത്ത പ്രതിഷേധമാണ് ഉയരുന്നത്.
എംഎസ്എന്ബിസിയിലെ ദി റീഡ്ഔട്ടിന്റെ ആങ്കറിംഗിന് പേരുകേട്ട ഒരു ടിവി അവതാരകയും രാഷ്ട്രീയ നിരൂപകയും എഴുത്തുകാരിയുമാണ് ജോയ് റീഡ്. വംശം, രാഷ്ട്രീയം, മാധ്യമങ്ങള്, ആധുനിക യാഥാസ്ഥിതിക പ്രസ്ഥാനം എന്നിവയെക്കുറിച്ചുള്ള തുറന്ന ശബ്ദമായി അവര് പ്രശസ്തി നേടി.
വംശീയമായ പരാമര്ശങ്ങള്ക്കും പൊതുജനശ്രദ്ധയില് നിന്ന് ഏറെക്കുറെ അകന്നു നില്ക്കുന്ന ഒരു ഇന്ത്യന് – അമേരിക്കന് സ്ത്രീയായ ഉഷാ വാന്സിനെ മനുഷ്യത്വരഹിതമായി ചിത്രീകരിച്ചതും പലരും ചൂണ്ടിക്കാട്ടി. ‘തവിട്ട് ഹിന്ദു ഭാര്യയുള്ള ആളായി മാഗയുടെ പിന്ഗാമിയെ അവര്ക്ക് കാണാന് കഴിയില്ല’ എന്ന് റീഡ് തന്റെ പോഡ്കാസ്റ്റില് അവകാശപ്പെട്ടു. തങ്ങളുടെ സെക്കന്ഡ് ലേഡിയായ ഉഷ ക്രിസ്ത്യന് ദേശീയവാദികളുമായി ചേര്ന്നുപോകില്ല എന്നും ജെഡി വാന്സ് ‘ഈ തവിട്ട് ഹിന്ദുവിന് പകരം ഒരു വെളുത്ത രാജ്ഞിയെ ആവശ്യമാണെന്ന് ഒടുവില് മനസ്സിലാക്കിയേക്കാം’ എന്നും അവര് പറഞ്ഞു.
ഉഷയെ ഒരു അഭിഭാഷക, അമ്മ, ഇന്ത്യന്-അമേരിക്കന് വനിത എന്നീ നിലകളില് അംഗീകരിക്കുന്നതിനുപകരം വംശീയവും മതപരവുമായ ലേബലിലേക്ക് ചുരുക്കിയത് എന്തിനെന്നും ചോദിച്ച് റിപ്പബ്ലിക്കന് നേതാക്കള് റീഡറിനെതിരെ വിമര്ശിച്ചു.
ടേണിംഗ് പോയിന്റ് എന്ന പരിപാടിയില് വൈസ് പ്രസിഡന്റ് ജെഡി വാന്സിനെ എറിക്ക കിര്ക്ക് ആലിംഗനം ചെയ്യുന്ന വീഡിയോ വൈറലായതോടെ ഓണ്ലൈനില് വലിയ ചര്ച്ചയായിരുന്നു. ഒക്ടോബര് 29 ബുധനാഴ്ച മിസിസിപ്പി സര്വകലാശാലയിലെ പരിപാടിക്കിടെയാണ് എറിക്ക കിര്ക്ക് വാന്സിനെ കെട്ടിപ്പിടിച്ചത്. ടിപിയുഎസ്എയുടെ സിഇഒയായിരുന്ന എറിക്കയാണ് പരിപാടിയില് ജെഡി വാന്സിനെ അതിഥി പ്രഭാഷകനായി പരിചയപ്പെടുത്തിയത്. ഈ ആലിംഗന ചിത്രം ഉയര്ത്തിക്കാട്ടി വൈസ് പ്രസിഡന്റും എറിക്കയും തമ്മില് പ്രണയമാണെന്ന തെറ്റായ അവകാശവാദങ്ങള്ക്ക് ഇന്ധനം നല്കാനായിരുന്നു പോഡ്കാസ്റ്റ് വിഭാഗത്തിന്റെ നീക്കമെന്നും ചിലര് ചൂണ്ടിക്കാട്ടി.
രാഷ്ട്രീയ കോളങ്ങള് എഴുതിയും എംഎസ്എന്ബിസിക്ക് വേണ്ടി വാരാന്ത്യ പരിപാടികള് അവതരിപ്പിച്ചും റീഡ് ശ്രദ്ധനേടിയിരുന്നു. കൂടാതെ നേരിട്ടുള്ളതും മൂര്ച്ചയുള്ളതുമായ ചോദ്യങ്ങളിലൂടെ അതിഥികളെ വെല്ലുവിളിക്കുന്നതില് അവര് പ്രശസ്തയാണ്.
‘JD Vance to marry white beauty Erika Kirk prominent TV anchor in controversy.
