പാലാ: അമേരിക്കയിലെ മലയാളികളുടെ പ്രമുഖ സംഘടനയായ ഫൊക്കാനയുടെ നേതാക്കളെ പാലാ പൗരാവലി ആദരിച്ചു. ഫൊക്കാനയുടെ ജീവകാരുണ്യ പ്രവർത്തനങ്ങൾ മലയാളി സമൂഹത്തിന് മാതൃകയാണെന്നും അവരുടെ വിവിധ സേവനങ്ങൾ അനന്യമാണെന്നും ചടങ്ങ് ഉദ്ഘാടനം ചെയ്ത മാണി സി. കാപ്പൻ എംഎൽഎ അഭിപ്രായപ്പെട്ടു. ഉന്നത വിദ്യാഭ്യാസം നേടുന്ന വിദ്യാർഥികൾക്ക് സ്കോളർഷിപ്പ്, അപകടങ്ങളിൽ കാലുകൾ നഷ്ടപ്പെട്ടവർക്ക് സൗജന്യ കൃത്രിമ കാലുകൾ, കുട്ടികൾക്ക് സൗജന്യ നീന്തൽ പരിശീലനം തുടങ്ങിയ പ്രവർത്തനങ്ങൾ ഫൊക്കാനയുടെ നേതൃത്വത്തിൽ ശ്ലാഘനീയമാണെന്ന് അദ്ദേഹം കൂട്ടിച്ചേർത്തു.
സജിമോൻ ആൻ്റണിയുടെ നേതൃത്വത്തിൽ ഫൊക്കാന നടത്തുന്ന ഈ സേവനങ്ങൾ എല്ലാവർക്കും പ്രചോദനമാണെന്ന് എംഎൽഎ വ്യക്തമാക്കി. സമൂഹത്തിന്റെ ഉന്നമനത്തിനായി ഇത്തരം ജീവകാരുണ്യ പ്രവർത്തനങ്ങൾ മറ്റുള്ളവർക്കും മാതൃകയാക്കാവുന്നതാണെന്ന് അദ്ദേഹം ഊന്നിപ്പറഞ്ഞു. പാലായിലെ ചടങ്ങിൽ ഫൊക്കാനയുടെ സേവന പ്രവർത്തനങ്ങളെ പ്രശംസിച്ച പൗരാവലി, സംഘടനയുടെ നേതാക്കൾക്ക് ആദരവ് അർപ്പിച്ചു.
പാലാ ഗ്രാൻ്റ്കോർട്യാഡ് ഓഡിറ്റോറിയത്തിൽ സംഘടിപ്പിച്ച ചടങ്ങിൽ ചേർന്ന യോഗത്തിൽ ഫൊക്കാനോ പ്രസിഡിൻറ് സജിമോൻ ആൻ്റണി, ബോട്ട് ചെയർ ജോജി തോമസ്, ഫൊക്കാന മിഡ് വെസ്റ്റ് റീജിയൺ ആർവിപി സന്തോഷ് നായർ ചൊള്ളാനി എന്നിവർക്ക് പാലാ പൗരാവലി നൽകിയ സ്വീകരണം ഉദ്ഘാടനം ചെയ്ത് പ്രസംഗിക്കുകയായിരുന്നു മാണി സി.കാപ്പൻ എം.എൽ.എ.
പാലാ മുനിസിപ്പൽ ചെയർമാൻ തോമസ് പീറ്റർ അദ്ധ്യക്ഷത വഹിച്ചു.
ചേർപ്പുങ്കൽ മാർസ്ലീവാ മെഡിസിറ്റി ഓപ്പറേഷൻ ഡയറക്ടർ ഫാ.ഗെർവാസീസ് ആനിത്തോട്ടത്തിൽ, അഡ്വ.കെ.ആർ ശ്രീനിവാസൻ ,ഏ.കെ ചന്ദ്രമോഹൻ, എൻ സുരേഷ്, പ്രൊഫ.സതീശ് ചൊള്ളാനി, നഗരസഭ ആരോഗ്യ കാര്യ സ്റ്റാൻ്റിംഗ് കമ്മറ്റി ചെയർമാൻ ലിസിക്കുട്ടി മാത്യു, ബിജു പാലൂപ്പടവിൽ, ഷാർലി മാത്യു,ടോമി കുറ്റിയാങ്കൽ,ആനി ബിജോയി, എന്നിവർ പ്രസംഗിച്ചു. അഡ്വ.സന്തോഷ് മണർകാട്, തോമസ് ആർ വി ജോസ് അഡ്വ.ഷാജി എടേട്ട്, അഡ്വ.അജി ആലപ്പാട്ട്, ബിജോയി എബ്രഹാം തുടങ്ങിയവർ ചടങ്ങുകൾക്ക് നേതൃത്വം നൽകി.
