
കൊച്ചി: സിപിഎം നേതാവ് എംഎം ലോറന്സിന്റെ മൃതദേഹം മെഡിക്കല് പഠനത്തിന് വിട്ടു കൊടുക്കാനുള്ള ഉത്തരവിനെതിരെ മകള് ആശാ ലോറന്സ് നല്കിയ അപ്പീല് തള്ളി സുപ്രീംകോടതി. ക്രിസ്തുമത വിശ്വാസികള്ക്ക് മൃതദേഹം മെഡിക്കല് പഠനത്തിന് നല്കുന്നതില് വിലക്കില്ലല്ലോ എന്ന് ചോദിച്ചുകൊണ്ടായിരുന്നു കോടതിയുടെ നിര്ണായക നീക്കം.
ലോറന്സിന്റെ മൃതദേഹം മതാചാരപ്രകാരം സംസ്കരിക്കാന് വിട്ട് നല്കണമെന്ന പെണ്മക്കളുടെ ഹര്ജി ഹൈക്കോടതി തള്ളിയിരുന്നു. തുടര്ന്നാണ് മകള് സുപ്രീംകോടതിയെ സമീപിച്ചത്. എല്ലാ വശവും പരിശോധിച്ചാണ് ഹൈക്കോടതി നടപടി എന്ന് കോടതി പറഞ്ഞു. സെപ്റ്റംബര് 21 നായിരുന്നു എംഎം ലോറന്സിന്റെ അന്ത്യം.