ലിമ: പെറുവിലെ പ്രശസ്തമായ യുനെസ്കോ പൈതൃക കേന്ദ്രമായ നസ്ക ലൈൻസ് സന്ദർശിക്കാൻ പോയ വിനോദസഞ്ചാര വിമാനം തകർന്നുവീണ് 13 പേർ ദാരുണമായി മരണപ്പെട്ടു. ശനിയാഴ്ച പ്രാദേശിക സമയം ഉച്ചയ്ക്ക് ഒരു മണിയോടെയായിരുന്നു അപകടം. വിമാനത്തിലുണ്ടായിരുന്ന 11 വിദേശ വിനോദസഞ്ചാരികളും രണ്ട് പെറുവിയൻ ജീവനക്കാരുമാണ് മരിച്ചത്.
മരിച്ച വിദേശികളിൽ ഏഴ് പേർ ഇറ്റലിയിൽ നിന്നുള്ളവരും, രണ്ട് പേർ ജർമ്മനിയിൽ നിന്നുള്ളവരും, രണ്ട് പേർ സ്പെയിൻ സ്വദേശികളുമാണ്. എയറോഡിയാന കമ്പനിയുടെ ‘സെസ്ന ഗ്രാൻഡ് കാരവൻ’ എന്ന ചെറുവിമാനമാണ് അപകടത്തിൽപ്പെട്ടത്. ഇക നഗരത്തിൽ നിന്നും പുറപ്പെട്ട വിമാനം നസ്ക വിമാനത്താവളത്തിൽ ഇറങ്ങാൻ ശ്രമിക്കുന്നതിനിടെയാണ് നിയന്ത്രണം വിട്ട് വയലിലേക്ക് തകർന്നുവീണത്.
അപകടത്തിൽ വിമാനം പൂർണ്ണമായും കത്തിനശിച്ചു. പെറുവിയൻ സിവിൽ ഏവിയേഷൻ അതോറിറ്റി അപകടത്തെക്കുറിച്ച് സമഗ്രമായ അന്വേഷണത്തിന് ഉത്തരവിട്ടിട്ടുണ്ട്. സാങ്കേതിക തകരാറാണോ മോശം കാലാവസ്ഥയാണോ അപകടത്തിന് കാരണമെന്ന് വ്യക്തമല്ല.
13 dead in tourist plane crash in Peru; 7 Italian citizens among dead
